TMA YATAHADHARISHA WANANCHI KUHUSU KIMBUNGA “CHENGE”; MAENEO YA PWANI YAPEWAA ANGALIZO.

-

 

Mamlaka ya Hali ya Hewa Tanzania (TMA) imewataka wananchi, hususan wanaoishi maeneo ya pwani, kuendelea kufuatilia taarifa za utabiri wa hali ya hewa kufuatia kuwepo kwa kimbunga “Chenge” kilichopo katika Bahari ya Hindi, kaskazini mwa Kisiwa cha Madagascar.


Kimbunga hicho kimeendelea kusalia baharini kikisogea magharibi, huku kikionesha kupungua kwa kasi na nguvu zake kadri kinavyosogea. Hadi asubuhi ya leo, kilikuwa umbali wa takribani kilometa 1,280 mashariki mwa pwani ya Kisiwa cha Mafia.


Tathmini ya mifumo ya hali ya hewa inaonesha kuwa kimbunga hicho kinaweza kusababisha ongezeko la upepo mkali na mawimbi makubwa katika maeneo ya pwani ya Bahari ya Hindi kuanzia Oktoba 26 hadi 28, mwaka huu.


Maeneo yanayotarajiwa kuathirika zaidi ni visiwa vya Unguja na Pemba, pamoja na mikoa ya Morogoro, Pwani, Dar es Salaam na Tanga. Hata hivyo, kimbunga hicho hakitarajiwi kuingia moja kwa moja nchini, ila athari ndogo kama vipindi vya mvua kubwa na mawimbi makubwa vinaweza kujitokeza katika baadhi ya maeneo ya pwani.


Kutokana na hali hiyo, TMA imehimiza wavuvi, watumiaji wa vyombo vya baharini na wananchi kwa ujumla kuendelea kuwa makini na kufuatilia taarifa rasmi za utabiri wa hali ya hewa ili kupata tahadhari na ushauri wa kitaalamu kwa wakati.


Mamlaka hiyo pia imeeleza kuwa itaendelea kufuatilia mwenendo wa Kimbunga “Chenge” na kutoa taarifa zaidi kadri hali itakavyoendelea kubadilika katika Bahari ya Hindi.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more