WAGOMBEA UBUNGE NA MAWAKALA WA KAWE, KINONDONI WAPEWA KIAPO.

-


Na Mwandishi Wetu, Dar es Salaam


MSIMAMIZI Mkuu wa Uchaguzi wa Wilaya ya Kinondoni, Bi. Magreth Mangasa, ameongoza zoezi la kiapo kwa wagombea wa ubunge na mawakala wao kutoka vyama vyote vinavyoshiriki Uchaguzi Mkuu wa 2025 kwa majimbo ya Kawe na Kinondoni.


Zoezi hilo limefanyika leo, Oktoba 21, 2025, katika ukumbi wa Manispaa ya Kinondoni, likiwa ni sehemu ya maandalizi rasmi kuelekea uchaguzi unaotarajiwa kufanyika Oktoba 29, mwaka huu.


Akizungumza wakati wa tukio hilo, Bi. Mangasa alisema kiapo hicho kimefanyika kwa mujibu wa Kanuni ya 40(6) ya Uchaguzi ya mwaka 2025, inayowataka wagombea na mawakala kula kiapo siku saba kabla ya uchaguzi.


Alisema kiapo hicho kinawapa uhalali wa kuingia kwenye vituo vya kupigia kura, kushuhudia zoezi la kuhesabu kura na kujumlisha matokeo, sambamba na kuwabebesha wajibu wa kutunza siri na kuheshimu taratibu zote za uchaguzi.


“Ni muhimu kwa kila wakala kutambua wajibu wake wa kulinda siri za uchaguzi, kuzingatia sheria na kuhakikisha utulivu katika vituo vyote vya kupigia kura,” alisema Bi. Mangasa.


Aliongeza kuwa hatua hiyo ni sehemu ya kuhakikisha uwazi, uadilifu na usimamizi bora wa mchakato wa uchaguzi katika majimbo hayo mawili.






Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more