WAHITIMU 680 WA JESHI LA UHIFADHI WATUNUKIWA VYETI, DKT. ABBASI AWATAKA KUWA WAZALENDO.

-


Katibu Mkuu Wizara ya Maliasili na Utalii, Dkt. Hassan Abbasi, amefunga rasmi mafunzo ya nadharia na vitendo ya viongozi kwa Maafisa na Askari 311 wa Jeshi la Uhifadhi kutoka TANAPA, pamoja na mafunzo ya awali ya Askari 369 wa TFS, yaliyofanyika katika Chuo cha Mafunzo cha Jeshi la Uhifadhi Mlele, mkoani Katavi.


Akizungumza katika hafla hiyo, Dkt. Abbasi aliwataka wahitimu kutekeleza mafunzo waliyopata kwa vitendo, kufanya kazi kwa ushirikiano, na kuongeza uwajibikaji katika kutekeleza majukumu yao ya kulinda rasilimali za Taifa.


Alimshukuru Rais wa Jamhuri ya Muungano wa Tanzania, Dkt. Samia Suluhu Hassan, kwa kuendelea kutoa ajira kwa vijana kupitia sekta ya Maliasili na Utalii, pamoja na sekta nyingine nchini. 


Pia alieleza kuwa kibali cha kuajiri askari 311 na wengine zaidi ya 500 wanaotarajiwa kujiunga na mafunzo hayo ni kielelezo cha dhamira ya serikali kuimarisha Jeshi la Uhifadhi na kuboresha maisha ya vijana.


Dkt. Abbasi aliwahimiza wahitimu hao kuwa mfano wa nidhamu, uadilifu na uwajibikaji kazini, akisisitiza umuhimu wa kutumia maarifa na mbinu walizopata kuleta tija katika uhifadhi wa misitu, wanyamapori na rasilimali nyingine za taifa.


Kwa upande wake, Kamishna wa Uhifadhi TFS, Prof. Dos Santos Silayo, aliwapongeza wahitimu kwa kukamilisha mafunzo yao na kuwataka kutumia ujuzi huo kuendeleza sekta ya uhifadhi na utalii, akisisitiza umuhimu wa kulinda misitu na rasilimali za nchi kwa manufaa ya kizazi cha sasa na kijacho.


Mafunzo hayo yamekuwa sehemu ya jitihada za serikali za kuimarisha Jeshi la Uhifadhi, kuongeza ufanisi katika uhifadhi wa maliasili, na kuendelea kutoa fursa za ajira kwa vijana nchini.





Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more