NIDA YAWAHAIMIZA WANANCHI KUTUMIA VYANZO RASMI VYA MAWASILIANO KUEPUKA MATAPELI.

-


Mamlaka ya Vitambulisho vya Taifa (NIDA) imewahimiza wananchi kote nchini kutumia vyanzo rasmi vya mawasiliano wanapohitaji huduma za usajili na utambuzi wa watu, ili kuepuka kutapeliwa na watu wasio waaminifu wanaojifanya maafisa wa mamlaka hiyo.


Kauli hiyo imekuja kufuatia kuongezeka kwa wimbi la matapeli wanaotuma ujumbe mfupi wa maandishi (SMS) kwa wananchi, wakiwataka kutuma fedha kwenye namba za simu za mkononi ili wapatiwe huduma za usajili au marekebisho ya taarifa kwa haraka.


NIDA imeeleza kuwa malipo yote ya huduma za Serikali hufanyika kupitia mfumo rasmi wa Huduma za Serikali (Control Number) na si kwa namba za simu za mkononi, hivyo wananchi wanapaswa kuwa waangalifu na kuzingatia taratibu rasmi.


“Malipo yoyote yanayohusiana na huduma za Serikali hufanyika kupitia Control Number na si kwa namba za simu. Tunawaomba wananchi wawe makini na taarifa za uongo zinazosambazwa na matapeli,” imeeleza Mamlaka hiyo.


Aidha, NIDA imewataka wananchi wanaopokea ujumbe wa aina hiyo kutoa taarifa mara moja katika vyombo vya usalama kama Polisi au TAKUKURU, au kupitia vyanzo rasmi vya mawasiliano vya mamlaka hiyo ambavyo ni,Kituo cha Huduma kwa Wateja: 0232 210 500,Barua pepe: info@nida.go.tz,Tovuti: www.nida.go.tz na Ofisi za Usajili za NIDA katika kila wilaya nchini.



Mbali na njia hizo, wananchi wanaweza pia kuripoti matapeli kwa njia ya ujumbe mfupi (SMS) kupitia mfumo wa SIVIS kwa kutuma ujumbe kwenda namba 15040, kisha kuandika neno TAPELI na kufuata maelekezo yatakayotolewa.


Kwa mujibu wa NIDA, taarifa hizo zitafanyiwa ufuatiliaji wa haraka na hatua stahiki za kisheria zitachukuliwa dhidi ya watakaobainika kuhusika na vitendo hivyo vya udanganyifu.


Mamlaka hiyo imesisitiza kuwa itaendelea kushirikiana na vyombo vya usalama kuhakikisha matapeli wote wanaojihusisha na vitendo vya kihalifu wanachukuliwa hatua kali, huku ikiendelea kuboresha mifumo ya mawasiliano na utoaji huduma kwa wananchi.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more