WATANZANIA WAMETAKIWA KULINDA AMANI KABLA NA BAADA YA UCHAGUZI.

-

Na Fidea Masunga, Kibaha

Wakati taifa likielekea katika Uchaguzi Mkuu wa mwaka 2025, Watanzania wametakiwa kuendelea kudumisha na kuilinda amani kabla, wakati na baada ya uchaguzi ili kuhakikisha nchi inaendelea kuwa na utulivu na mshikamano wa kitaifa.


Wito huo umetolewa na Mchungaji John Makomele ambae ni Mchungaji Kiongozi wa Kanisa la Baptist lililopo Lulanzi, Kibaha mkoani Pwani, wakati wa maadhimisho ya miaka tisa (9) tangu kuanzishwa kwa kanisa hilo.


Akizungumza katika maadhimisho hayo, Mchungaji  Makomele alisema ni jukumu la kila Mtanzania kuhakikisha anachangia katika kudumisha amani kwa maneno, matendo na mwenendo unaoleta umoja, hasa kipindi hiki kuelekea uchaguzi mkuu.


“Uchaguzi ni tukio la kidemokrasia linalopaswa kuleta umoja na siyo chuki. Tuwaheshimu viongozi wetu, tuombe kwa ajili ya taifa, na tuwe walinzi wa amani,” alisema Mchungaji Makomele.


Aidha, aliwataka viongozi wa dini kuendelea kuhubiri upendo, uadilifu na mshikamano ili kusaidia jamii kuwa na mwelekeo chanya katika kipindi hiki nyeti kwa taifa.


Kanisa la Baptist Lulanzi lilianzishwa mwezi Oktoba mwaka 2016 chini ya uongozi wa Mchungaji John Makomele, likianza shughuli zake za ibada chini ya mti kabla ya kujenga jengo la ibada lililopo sasa. 


Hata hivyo Maadhimisho hayo ya miaka tisa ya Kanisa la Baptist yalihudhuriwa na waumini wa kanisa hilo, wageni waalikwa pamoja na viongozi wa dini mbalimbali, ambapo walitumia fursa hiyo kumshukuru Mungu kwa hatua iliyofikiwa na kuombea taifa liendelee kuwa na amani na umoja.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more