DALALI WA MAHAKAMA AKAMATWA KWA TUHUMA ZA WIZI WA KUAMINIWA MKOANI GEITA

-


Jeshi la Polisi Mkoa wa Geita linamshikilia Wema Haibe (38), dalali wa Mahakama, kwa tuhuma za wizi wa kuaminiwa baada ya kudaiwa kuuza nyumba aliyokabidhiwa na Mahakama kisha kufuja fedha zaidi ya Shilingi milioni 22.


Kwa mujibu wa taarifa iliyotolewa na Polisi, mtuhumiwa alikuwa na dhamana ya kutekeleza amri ya Mahakama ya Mwanzo Wilaya ya Geita Kituo cha Nyankumbu, kufuatia shauri la talaka namba 65/2024. 


Mahakama ilielekeza nyumba ya wanandoa Joseph Kalinda na Ndimira Kasisi, iliyopo katika eneo la Fadhili Bucha, Kata ya Buhalahala, Wilayani Geita, iuzwe kwa mnada na fedha zote ziwekwe kwenye akaunti ya Mahakama kama taratibu zinavyoelekeza.


Hata hivyo, mnamo Aprili 4, 2025, Wema Haibe anadaiwa kuiuza nyumba hiyo kwa Tatizo Balanzila (56) kwa Shilingi milioni 22, lakini badala ya kuziwasilisha fedha hizo kwenye akaunti ya Mahakama, aliziingiza kwenye akaunti binafsi kinyume na maelekezo ya kisheria.


Jeshi la Polisi limesema uchunguzi wa awali unaendelea na mara baada ya hatua za awali kukamilika, mtuhumiwa atasafilishwa mahakamani kujibu mashitaka yanayomkabili.


Polisi imetoa onyo kwa madalali wa Mahakama na watu wote wanaotekeleza amri mbalimbali za Mahakama kuhakikisha wanatekeleza majukumu yao kwa uadilifu, uaminifu na kufuata taratibu zote za kisheria, ili kuepusha vitendo vya wizi na matumizi mabaya ya madaraka.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more