DK MWIGULU NCHEMBA AAPISHWA RASMI KUWA WAZIRI MKUU WA TANZANIA.

-


Baada ya uteuzi na kuidhinishwa na Bunge, hatimaye Dk Mwigulu Nchemba ameapishwa rasmi kushika wadhifa wa Waziri Mkuu wa Jamhuri ya Muungano wa Tanzania.

Mbunge huyo wa Iramba Mashariki ameapishwa leo Ijumaa, Novemba 14, 2025, katika hafla iliyofanyika Ikulu ya Chamwino jijini Dodoma, mbele ya Rais Samia Suluhu Hassan.


Kuapishwa kwake kunafungua ukurasa mpya wa utekelezaji wa majukumu ya mtendaji mkuu wa Serikali ya Awamu ya Sita, katika kipindi cha pili cha uongozi wa Rais Samia.


Dk Mwigulu ameteuliwa kushika nafasi hiyo akichukua nafasi ya Kassim Majaliwa, ambaye amehudumu kama Waziri Mkuu kwa kipindi cha miaka 10 tangu mwaka 2015 chini ya Serikali ya Hayati Dkt. John Magufuli. 


Mara baada ya kuapishwa, Dk Mwigulu ameahidi kushirikiana na watendaji wote wa Serikali kusukuma mbele ajenda za maendeleo, kusimamia nidhamu ya matumizi ya rasilimali za umma na kuhakikisha wananchi wanapata huduma bora katika sekta zote.


Rais Samia, akizungumza katika hafla hiyo, amempongeza Waziri Mkuu huyo mpya na kumtaka aendeleze misingi ya uwajibikaji, uadilifu, uwazi na utendaji wa kazi kwa matokeo, akisisitiza kuwa Serikali inaendelea kujenga mifumo madhubuti ya kuhimiza maendeleo na ustawi wa Watanzania.


Hafla hiyo imehudhuriwa na viongozi mbalimbali wa Serikali, wabunge, viongozi wa vyombo vya ulinzi na usalama pamoja na wageni waalikwa.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more