DKT. KIJAJI AITAKA JAMII KUJIFUNZA HISTORIA YA TAZARA.

-


Na Fidea Masunga, Dar es Salaam.


Waziri wa Maliasili na Utalii, Dkt. Ashatu Kijaji, amesisitiza umuhimu wa jamii kujifunza Historia ya Reli ya Tanzania–Zambia (TAZARA) ili kuimarisha uelewa wa urithi wa taifa na mchango wake katika maendeleo ya kijamii na kiuchumi.


Akizungumza katika hotuba yake wakati wa uzinduzi wa onesho maalum la Historia ya TAZARA, lililofanyika katika Makumbusho na Nyumba ya Utamaduni jijini Dar es Salaam, Dkt. Kijaji alieleza kuwa onesho hilo litadumu kwa miezi miwili likiwa limelenga kutoa elimu endelevu kwa vizazi vya sasa na vijavyo kuhusu nafasi ya reli hiyo katika kuimarisha ushirikiano wa kikanda na juhudi za ukombozi wa mataifa ya Kusini mwa Afrika.


Amebainisha kuwa TAZARA, iliyojengwa mwaka 1970 kwa ushirikiano kati ya Tanzania na Serikali ya China, ni mfano muhimu wa mafanikio ya miundombinu barani Afrika na ishara ya kudumu ya ushirikiano wa kihistoria kati ya Afrika na China ambapo reli hiyo imekua ikichangia katika usafirishaji wa watu na bidhaa hali inayochochea kuimarisha shughuli za kiuchumi kati ya Tanzania, Zambia na masoko jirani.


“TAZARA ni urithi wa kimkakati tuliorithishwa na waasisi wetu. Ni wajibu wetu kuuhifadhi, kuutunza na kuuendeleza chini ya uongozi wa Mheshimiwa Rais Dkt. Samia Suluhu Hassan, Mhifadhi wa Urithi wetu,” alisema Dkt. Kijaji.


Aidha, aliwataka wananchi kutembelea onesho hilo kwa wingi, akisisitiza kuwa uelewa wa historia ya taifa ni msingi muhimu wa kujenga utambulisho wa kitaifa, kuimarisha mshikamano wa kijamii na kudumisha tunu za amani na utu.


Kwa upande wake Balozi wa China Tanzania,Mhe. Chen Mingjian, alifafanua kuwa TAZARA ni mfano wa mshikamano wa kihistoria kati ya China na nchi za Afrika, na kuonyesha thamani ya ushirikiano wa kimaendeleo unaolenga kuleta manufaa kwa wananchi. Alisisitiza kuwa China inaendelea kushirikiana na Tanzania katika kuhifadhi, kuendeleza na kutunza urithi huu muhimu.


Hafla hiyo iliambatana na Onesho lililowasilisha machapisho, michoro na mikusanyo ya kihistoria huku likiambatana na burudani za ngoma za asili kwa madhumuni ya kukuza uelewa na kuvutia washiriki wa rika mbalimbali.






Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more