DKT. MWIGULU AZUNGUMZA NA WAHARIRI WA VYOMBO VYA HABARI.

-


Waziri Mkuu, Mhe. Dkt. Mwigulu Nchemba, amezungumza na Wahariri wa vyombo vya habari nchini katika Kituo cha Mikutano cha Kimataifa cha Julius Nyerere, Novemba 25, 2025, ambapo amesisitiza kuwa Tanzania na rasilimali zake zitalindwa kwa gharama yoyote ile.


Katika mazungumzo hayo, Dkt. Mwigulu ametoa wito kwa Watanzania kuwa makini na makundi yenye nia ya kuichafua na kuiharibu nchi, akisema kuwa Tanzania ni nchi nzuri inayopaswa kulindwa dhidi ya watu wenye malengo mabaya.


Amesema kuwa baadhi ya watu wasiolitakia mema Taifa wanatamani mabaya yaendelee kutokea, hivyo Watanzania wanapaswa kuwakataa na kutokubali kutumiwa kufanya uovu dhidi ya nchi. 


“Kila mmoja alibebe jambo hili kwa uzito. Hawatupendi; wanaangalia rasilimali zetu. Nchi yetu si masikini, wapo wanaomezea mate rasilimali zetu. Ninawahakikishia tutailinda Tanzania na rasilimali zake kwa gharama yoyote ile,” amesema Dkt. Mwigulu.


Aidha, amesisitiza umuhimu wa Watanzania kuwa na dhamira ya dhati na kuunganisha nguvu katika kuilinda na kuitunza nchi, akiwataka viongozi wa serikali katika ngazi zote kuwa makini na kila anayeingia katika maeneo yao.


Akiendelea, Dkt. Mwigulu amesema kuwa hatutaweza kupambana na umasikini endapo tutawachukulia wawekezaji au sekta binafsi kama maadui. 


Amesema Rais Dkt. Samia Suluhu Hassan tayari amefanya mabadiliko ya sheria yanayowezesha wakandarasi wa ndani kupata miradi mikubwa, huku wakandarasi wakubwa wakitakiwa kuomba zabuni ndogo (subcontracts) kwaohatua ambayo itafungua fursa zaidi kwa vijana wa Kitanzania.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more