KIKWETE APONGEZA CHUO CHA UTUMISHI WA UMMA KWA KUIMARISHA UTENDAJI NA UFANISI KATIKA SEKTA YA UTUMISHI WA UMMA.

-

Na Fidea Masunga,Dar es Salaam.


Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Jakaya Kikwete, amekipongeza Chuo cha Utumishi wa Umma kwa mchango wake mkubwa katika kuboresha utendaji, uwazi na ufanisi wa watumishi wa umma nchini.


Kauli hiyo ameitoa jijini Dar es salaam katika makao makuu ya Chuo cha Utumishi wa Umma Tanzania,wakati akizungumza na Menejimenti ya chuo hicho ikiwa ni sehemu ya ziara yake ya kikazi ya kujionea utekelezaji wa majukumu ya chuo.



Mhe. Kikwete amesema kuwa chuo kina nafasi muhimu katika kutoa mwongozo wa kistratejia na kitaaluma kwa utumishi wa umma, hususan katika kutekeleza Dira ya Taifa ya Maendeleo 2050 huku akisisitiza chuo kuendeleza tafiti na mafunzo ya vitendo yanayolenga kuboresha ujuzi, utendaji na uzalishaji wa watumishi wa umma.


Pia,Mhe. Kikwete ameahidi kuwa Wizara itaendelea kushirikiana na chuo ili kuhakikisha kinaendelea kutimiza majukumu yake kikamilifu na kuchangia moja kwa moja katika kuboresha maadili na huduma za utumishi wa umma nchini.


Awali, Akitoa taarifa ya utendaji wa chuo kwa kipindi cha miaka minne (2021/22 – 2024/25), Mkuu wa Chuo na Mtendaji Mkuu wa Chuo wa Utumishi wa Umma,Dkt. Ernest Mabonesho, amesema chuo kimefanikiwa kutoa mafunzo kwa watumishi 46,964, sawa na wastani wa watumishi 11,741 kwa mwaka, huku kikiendesha mafunzo kwa jumla ya wanachuo 43,753 katika ngazi za Shahada, Stashahada na Astashahada katika fani mbalimbali za Menejimenti ya Kumbukumbu, Nyaraka na Taarifa, Uhazili na Utawala, Rasilimali Watu, na Ununuzi na Ugavi.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more