MADAKTARI TARAJALI HOSPITALI YA RUFAA YA MKOA AMANA WATAKIWA KUJITUMA NA KUZINGATIA MAADILI YA TAALUMA YAO.

-


Madaktari tarajali wa Hospitali ya Rufaa ya Mkoa Amana wametakiwa kujituma na kufanya kazi kwa weledi, wakizingatia Sheria, Kanuni, na Maadili ya taaluma yao ili kufanikisha azma ya hospitali hiyo ya kutoa huduma bora kwa wananchi.


Wito huo umetolewa na Kaimu Mganga Mfawidhi wa Hospitali hiyo, Dkt. Jumanne Mafele, wakati akifungua mafunzo elekezi kwa madaktari tarajali 36 wanaoanza rasmi kipindi cha mafunzo yao hospitalini hapo.


Dkt. Mafele alisema kuwa Hospitali ya Amana ni miongoni mwa hospitali za rufaa zinazoongoza kwa utoaji wa huduma bora, hivyo ujio wa madaktari hao utakuwa chachu katika kuendelea kuboresha huduma za afya kwa wananchi.


“Kuwa daktari si kazi tu, ni wito wa moyo na uaminifu mkubwa. Nawasisitiza mfanye kazi kwa uaminifu, mtunze siri za wagonjwa na mtumie lugha ya upendo kwa wateja,” alisema Dkt. Mafele.


Aidha, aliwahimiza madaktari hao kutumia fursa hiyo kujifunza kwa vitendo kutoka kwa wataalamu waliobobea katika sekta ya afya, akibainisha kuwa uzoefu huo utawajenga kitaaluma na kuwasaidia kutoa huduma bora zaidi.


Kwa upande wao, madaktari tarajali hao walishukuru uongozi wa hospitali kwa kuandaa mafunzo hayo, wakiahidi kufanya kazi kwa bidii, nidhamu na kuzingatia maadili ya taaluma ya udaktari katika kipindi chote cha mafunzo yao.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more