MAMLAKA YA HALI YA HEWA TANZANIA YATOA MWENENDO NA MATARAJIO YA MVUA KWA SIKU 10 KUANZIA NOVEMBA 21, 2025.

-


Mamlaka ya Hali ya Hewa Tanzania TMA imetabiri kurejea kwa mvua katika maeneo mbalimbali ya nchi kuanzia Novemba 21 hadi 30 2025 huku baadhi ya maeneo yakitarajiwa kuendelea kuwa na hali ya ukavu.


Kwa mujibu wa TMA, mabadiliko ya mifumo ya hewa duniani yanachangia kusogea kwa ukanda wa mvua ITCZ kuelekea kusini hatua inayosababisha maeneo ya Ziwa Victoria, Magharibi, Nyanda za Juu Kusini Magharibi na baadhi ya mikoa ya pwani kuanza kupata mvua za vipindi huku upepo wenye unyevunyevu kutoka baharini ukiendelea kuimarika na kuleta hali ya mawingu katika ukanda wa pwani.


Katika Kanda ya Ziwa Victoria, wakazi wa Mwanza, Kagera, Geita, Shinyanga, Simiyu na Mara wanatarajia kuona mvua za vipindi zilizoambatana na ngurumo hasa mwanzoni mwa kipindi Hali kama hiyo inatazamiwa kujitokeza pia Kigoma, Katavi na Tabora.


Kwa upande wa Nyanda za Juu Kusini Magharibi, mvua zinatarajiwa kujitokeza katika maeneo kadhaa huku Ruvuma na kusini mwa Morogoro zikipata mvua nyepesi Dodoma na Singida pia zinatarajiwa kuanza kupata mvua mwanzoni mwa dekadi hii jambo linaloweza kuleta nafuu kwa wakulima wanaoanza maandalizi ya mashamba.


Pwani ya Kusini hususan Lindi na Mtwara inatarajiwa kupata mvua za vipindi wakati Dar es Salaam, Pwani, Tanga, kaskazini mwa Morogoro pamoja na visiwa vya Unguja na Pemba vikitazamiwa kupata mvua hasa mwanzoni mwa kipindi kutokana na upepo wa baharini kushika kasi.


Hata hivyo, mikoa ya Arusha, Kilimanjaro na Manyara inatarajiwa kuendelea kuwa na ukavu kwa sababu mifumo ya hewa haijatosha kuleta mvua kwa wakati huu.


TMA imewataka wananchi kufuatilia taarifa zake ili waweze kupanga shughuli za kila siku hasa sekta zinazotegemea mvua kama kilimo, uvuvi na usafiri.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more