Mwigulu Afanya Ziara ya Kushtukiza, Aitaka Sekta ya Afya Kuboresha Huduma kwa Wajawazito.

-

WAZIRI MKUU, Dkt. Mwigulu Nchemba, leo Novemba 15, 2025 amefanya ziara ya kushtukiza katika Hospitali ya Rufaa ya Mkoa wa Dodoma na kuagiza hospitali zote nchini kuhakikisha wajawazito wanahudumiwa haraka ili kuokoa maisha ya mama na mtoto.


Katika ziara hiyo, Waziri Mkuu amesisitiza umuhimu wa kuboresha huduma kwa wajawazito na kuhakikisha hakuna ucheleweshaji unaoweza kuhatarisha afya ya mama au mtoto.


Amezielekeza Wizara ya Afya, Bohari ya Dawa (MSD) na hospitali zote nchini kuhakikisha zinakuwa na dawa za kutosha kulingana na mahitaji ya maeneo yao. Alibainisha kuwa wananchi hawapaswi kufanyiwa vipimo hospitalini kisha kuambiwa wanunue dawa nje, akitaka hospitali za serikali ziwe na uwezo wa kutoa huduma kamili.


Aidha, Waziri Mkuu amezikumbusha hospitali kuweka vifaa muhimu vya usafi katika wodi za wazazi, ikiwa ni pamoja na ndoo na mabeseni, ili kuwasaidia akinamama wanaowasili bila vifaa hivyo. Alieleza kuwa vifaa hivyo ni vya msingi na hospitali zinapaswa kuwa navyo muda wote.


Dkt. Mwigulu ametumia ziara hiyo kumpongeza Mheshimiwa Rais Dkt. Samia Suluhu Hassan kwa uwekezaji mkubwa katika kuboresha huduma za afya nchini, ikiwemo upatikanaji wa dawa, vifaa tiba na miundombinu ya kutolea huduma.


Wakati wa ziara hiyo, wananchi na wagonjwa waliomweleza Waziri Mkuu wamethibitisha kuwa huduma katika hospitali hiyo zinatolewa kwa uangalizi na kwa kuzingatia mahitaji ya wagonjwa.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more