SERIKALI YATOA KIBALI CHA MUDA WA MWAKA MMOJA KWA WANANCHI KUREKEBISHA TAARIFA ZA USAJILI NIDA.

-


Na Fidea Masunga,Dar es Salaam.


Serikali kupitia Mamlaka ya Vitambulisho vya Taifa (NIDA) imetoa muda wa mwaka mmoja kwa wananchi wote waliojisajili katika mfumo wake kufanya marekebisho ya taarifa zao, hatua inayolenga kuhakikisha usahihi na uhalali wa taarifa za utambulisho wa Taifa.


Zoezi hilo limeanza rasmi Oktoba 2025 likiwalenga waathirika wa vyeti vya kughushi, waliotumia majina ya wengine kupata vyeti vya elimu, waliotoa taarifa za uongo wakati wa usajili, pamoja na raia waliodanganya kujisajili kama wakimbizi.


Akizungumza na waandishi wa habari jijini Dar es Salaam, Mkurugenzi Mkuu wa NIDA, James Kaji, alisema zoezi hilo ni fursa maalum ya kurekebisha taarifa na kuhakikisha kila Mtanzania anapata kitambulisho sahihi. 


Aidha Aliwashauri wananchi kujiandaa mapema na kwenda na nyaraka zote muhimu katika ofisi za NIDA za Wilaya, ikiwa ni pamoja na Nakala ya vyeti halisi vya elimu; Cheti cha Kuzaliwa kilichohakikiwa na RITA; Deed pool iliyosajiliwa na gazeti la serikali; na nyaraka nyingine yoyote itakayotakiwa na Ofisi za NIDA.


Kaji aliwasisitiza wananchi kutoa taarifa sahihi na za kweli ili kuepuka marekebisho ya mara kwa mara yasiyo ya lazima, akiongeza kuwa maombi yatakayofanyiwa kazi ni yale yanayokidhi masharti, taratibu na vigezo vilivyowekwa kisheria.


Aidha, NIDA imefafanua kuwa zoezi hilo linahusu mabadiliko halali tu, na si kwa wale wanaojaribu kurekebisha taarifa kwa udanganyifu au kufuata taratibu zisizo halali. 


Hatua hiyo ni sehemu ya juhudi za Serikali kuhakikisha mfumo wa usajili na utambuzi wa watu ni salama, sahihi, wa kuaminika na unaofuata sheria.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more