SERIKALI YAIPONGEZA FCC KWA KUIMARISHA MAZINGIRA YA BIASHARA NCHINI.

-


Na Fidea Masunga,Dar es salaam.

Waziri wa Viwanda na Biashara, Mhe. Judith Kapinga (Mb), ameipongeza Tume ya Ushindani (FCC) kwa mchango wake mkubwa katika kuimarisha mazingira ya biashara na kulinda maslahi ya walaji nchini. 


Akizungumza wakati wa ziara yake katika ofisi za FCC jijini Dar es Salaam, Waziri Kapinga alisema tume hiyo imeendelea kuwa nguzo muhimu katika kusimamia ushindani wa haki, hatua inayoongezea uchumi uthabiti na kuvutia wawekezaji.


Amesema Serikali inaendelea kuboresha sera na kupunguza urasimu ili kuunda mazingira rafiki zaidi kwa wafanyabiashara, wajasiriamali na wawekezaji. Waziri Kapinga alibainisha kuwa juhudi za FCC zimechangia kuimarisha sekta ya viwanda, kupanua wigo wa uzalishaji na kuongeza mauzo ya nje, hivyo kuchochea ukuaji wa Pato la Taifa.


Aidha, amesisitiza kuwa sekta ya viwanda na biashara ni muhimili muhimu katika uchumi wa Tanzania, huku Serikali ikiendelea kutekeleza mikakati ya kuongeza ajira, kuchochea uzalishaji wa malighafi na kupanua maeneo ya uwekezaji ili kuongeza tija katika sekta hiyo.


Kwa upande wake, Mkurugenzi Mkuu wa FCC, Bi. Khadija Ngasongwa, amesema tume inaendelea kuimarisha mifumo ya ulinzi wa walaji, ikiwemo mpango wa kuanzisha Baraza la Kitaifa la Utetezi wa Walaji, ambalo linalenga kuongeza ushiriki wa wananchi na kuboresha ufuatiliaji wa mwenendo wa biashara nchini.


Bi. Ngasongwa ameongeza kuwa FCC itaendelea kufanya kazi kwa weledi na uwazi ili kuhakikisha ushindani wa biashara unazingatia haki, kanuni na maslahi ya walaji pamoja na wawekezaji.





Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more