SERIKALI YAKEMEA TAARIFA POTOFU, YASEMA TANZANIA IKO SALAMA.

-


Serikali imesema imechukua hatua madhubuti kukabiliana na taarifa potofu zilizoenea baada ya uchaguzi wa Oktoba 29, 2025, na kusisitiza kuwa hali ya nchi iko shwari huku shughuli za kiuchumi zikiendelea kama kawaida.


Msemaji Mkuu wa Serikali, Gerson Msigwa, amesema Rais Dkt. Samia Suluhu Hassan tayari ameunda Tume Huru itakayochunguza kwa miezi mitatu matukio ya uvunjifu wa amani yaliyosababisha vifo, majeraha na uharibifu wa mali.


Msigwa ameikosoa CNN, BBC, Al Jazeera na DW kwa kuripoti habari za upande mmoja, akisema wamekosa uadilifu wa kitaaluma kwa kupuuza taarifa sahihi kutoka Serikalini.


Aidha amevishukuru vyombo vya habari vya ndani kwa kuonesha uzalendo na kuipa kipaumbele maslahi ya Taifa.


Amesema pia kuna kampeni za kimtandao zinazoendeshwa kutoka nje ya nchi zenye lengo la kuichafua Tanzania, kuchochea chuki na kuathiri uchumi, na amewataka wananchi kupuuza taarifa hizo.


Kwa upande wa watalii, Msigwa amesisitiza kuwa vivutio vyote vya utalii nchini ni salama na viko wazi, huku Serikali ikiendelea kusimamia kwa karibu hali ya usalama.


Msigwa amesema Tume ya Uchunguzi ikikamilisha kazi yake, Serikali itatoa taarifa rasmi kwa umma, na ametoa wito kwa Watanzania kuendelea kulinda amani na kuzingatia taarifa sahihi.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more