TANZANIA YAPIGA HATUA KUBWA KATIKA HORTICULTURE: DKT. YONAZI AELEZA MAFANIKIO NA FURSA.

-


Dar es salaam.
Katibu Mkuu wa Ofisi ya Waziri Mkuu (Sera, Bunge na Uratibu), Dkt. Jim James Yonazi, ameeleza mafanikio makubwa ya Tanzania katika sekta ya horticulture, akibainisha fursa za ukuaji, uwekezaji na ajira zinazotokana na kilimo cha kisasa cha mazao ya bustani.


Akizungumza katika uzinduzi wa Mkutano wa Biashara na Uwekezaji wa Mazao ya Horticulture (HoBIS 2025) jijini Dar es salaam, Dkt. Yonazi, akimuwakilisha Katibu Mkuu Kiongozi, Mhe. Balozi Dkt. Moses Kausiluka, alisema kuwa uzalishaji umeongezeka kutoka tani milioni 1.1 mwaka 2003/04 hadi zaidi ya tani milioni 8.4 mwaka 2023/24, huku mauzo ya nje yakiongezeka kutoka dola milioni 64 hadi zaidi ya dola milioni 569.


“Mafanikio haya ni matokeo ya juhudi za pamoja za wakulima, wajasiriamali, wasindikaji na wadau wa sekta hii muhimu kwa uchumi wa taifa,” alisema Dkt. Yonazi, Katibu Mkuu wa Ofisi ya Waziri Mkuu (Sera, Bunge na Uratibu).


Alibainisha kuwa Serikali, kupitia Wizara ya Kilimo, inaendelea kuboresha mazingira ya biashara, uwekezaji na miundombinu, ikiwemo ujenzi wa maghala ya baridi, maboresho ya bandari na viwanja vya ndege. Alisisitiza kuwa horticulture inaweza kuwa injini ya mageuzi ya kiuchumi, ikichangia ajira, kipato na maendeleo ya kijamii kwa wananchi wengi.


Kwa upande wake Katibu Mkuu wa Wizara ya Kilimo, pia alisisitiza umuhimu wa ushirikiano kati ya serikali na sekta binafsi. Alionyesha kuwa kupitia ushirikiano huu, masoko zaidi ya tisa (9) yamefunguliwa, uwekezaji umeongezeka, na makampuni binafsi yameanzishwa kutoa ithibati za viwango, ikiwemo kampuni ya GREENCERT, tanzu ya TAHA, hatua inayolenga kuboresha ubora wa mazao ya kilimo nchini.


Naye Afisa Mtendaji Mkuu wa TAHA, Dkt. Jacqueline Mkindi, aliwakaribisha wageni wote na kutoa hotuba ya ukaribisho. Pia alishukuru Serikali na Wizara ya Kilimo kwa ushirikiano unaosaidia sekta ya horticulture kukua na kuchangia kikamilifu katika uchumi wa taifa.


Mkutano huu umeunda jukwaa la wadau wa horticulture kutoka ndani na nje ya Afrika kushirikiana, kubadilishana uzoefu, kujifunza mbinu mpya na kukuza masoko mapya kwa mazao ya horticulture.





Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more