Tanzania Yazindua Mpango wa Gridi ya Taifa ya Maji Katika COP30 Brazil.

-


Serikali ya Jamhuri ya Muungano wa Tanzania imewasilisha Mpango wa Gridi ya Taifa ya Maji katika Mkutano wa 30 wa Nchi Wanachama kuhusu Mabadiliko ya Tabianchi (COP30) unaofanyika jijini Belem, nchini Brazil.


Gridi ya Taifa ya Maji ni mkakati wa kitaifa unaotekelezwa chini ya Dira ya Taifa ya Maendeleo, wenye lengo la kuhakikisha upatikanaji endelevu wa huduma za maji kwa jamii, viwanda, kilimo, mifugo na mazingira, sambamba na kukabiliana na athari za mabadiliko ya tabianchi.


Akizungumza wakati wa uzinduzi wa mpango huo, Naibu Katibu Mkuu (Muungano) wa Ofisi ya Makamu wa Rais, Bw. Abdallah Hassan Mitawi, amesema kuwa Gridi ya Taifa ya Maji itakuwa suluhisho muhimu katika kukabiliana na changamoto ya upungufu wa maji nchini.


Ameeleza kuwa Tanzania inaendelea kuwa kinara wa ajenda ya maji barani Afrika kupitia utekelezaji wa miradi mikubwa ya kimkakati inayolenga kuhakikisha upatikanaji wa huduma hiyo muhimu kwa binadamu.


Bw. Mitawi ameongeza kuwa utekelezaji wa gridi hiyo utachangia kwa kiasi kikubwa kukuza uchumi wa nchi na kuhakikisha huduma za maji zinakuwa za uhakika na endelevu.


Aidha, amesema Serikali itaendelea kushirikiana na washirika wa maendeleo, sekta binafsi na asasi za kiraia ili kuhakikisha maandalizi na utekelezaji wa mpango huo muhimu unafanyika kwa ufanisi na kukamilika kama ilivyopangwa.


Amesisitiza pia kuwa ni wajibu wa kila Mtanzania kulinda na kuhifadhi vyanzo vya maji vikiwemo maziwa ya Victoria, Nyasa na Tanganyika pamoja na mito mbalimbali ili kuhakikisha usalama wa rasilimali maji unaendelea kudumu kwa manufaa ya sasa na vizazi vijavyo.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more