TIRDO ,STAMICO WASAINI MKATABA WA UTAFITI WA MADINI YA KIMKAKATI NCHINI.

-

 


Morogoro.

Shirika la Utafiti na Maendeleo ya Viwanda Tanzania (TIRDO) kwa kushirikiana na Shirika la Madini Nchini (STAMICO) wamesaini makubaliano ya awali (MoU) kwa ajili ya kufanya utafiti wa madini ya kimkakati katika mikoa ya Kagera na Singida.


Mkataba huo unalenga kuimarisha utafiti wa kitaalamu kuhusu madini muhimu kwa maendeleo ya viwanda na uchumi wa taifa, ukiwa ni sehemu ya juhudi za Serikali kupitia Wizara ya Viwanda na Biashara katika kusukuma mbele ajenda ya mageuzi ya viwanda nchini.


Mkurugenzi Mkuu wa TIRDO, Prof. Mkumbukwa Mtambo, alisisitiza umuhimu wa utafiti huo katika kuendeleza sekta ya viwanda na madini, akieleza kuwa utasaidia kubaini uwezo wa kiuchumi na viwandani wa madini ya kimkakati na kuweka msingi wa uendelezaji wake kwa tija zaidi.


Kwa upande wake, Mkurugenzi Mtendaji wa STAMICO, Dk. Venance Mwasse, alisema ushirikiano huo ni hatua muhimu katika kuchochea maendeleo ya sekta ya madini kwa kuunganisha nguvu za kitaalamu, utafiti wa kisayansi na ubunifu wa kiteknolojia.


Utafiti huo utaanza mara moja, ambapo kwa mkoa wa Singida utafanyika katika Wilaya ya Kiomboi, na kwa mkoa wa Kagera katika Wilaya ya Kyerwa.


Madini yatakayofanyiwa utafiti ni pamoja na Lithium, Cobalt, Nickel, Graphite, na Manganese, ambayo hutumika kutengeneza betri za magari ya umeme, vifaa vya elektroniki na bidhaa za chuma cha pua.


Kupitia utafiti huu, TIRDO na STAMICO wanatarajia kupata takwimu sahihi zitakazowezesha Serikali kupanga kwa ufanisi mikakati ya uendelezaji wa madini hayo, kuongeza thamani ya madini ndani ya nchi na kupunguza usafirishaji wa madini ghafi nje ya Tanzania.


Matokeo ya utafiti yatachangia kuandaa miradi ya kitaifa itakayowezesha upatikanaji wa fedha kutoka taasisi za kifedha, kuongeza ajira, kuboresha miundombinu na kuchochea ustawi wa jamii katika maeneo yatakayohusika.


Mbali na taasisi hizo mbili, wataalamu kutoka Shule ya Madini na Jiolojia ya Chuo Kikuu cha Dar es Salaam nao watashiriki katika utafiti huo.


Hafla ya utiaji saini imefanyika katika Ukumbi wa Chuo cha Ujenzi, Morogoro, ambapo washiriki wameahidi kuanza kazi mara moja kuhakikisha taifa linanufaika na rasilimali zake kupitia utafiti wa kina wa kitaalamu.







Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more