TTCL Yazindua T-Fiber Triple Hub, Kifurushi cha Huduma Tatu kwa Gharama Nafuu.

-


Na Fidea Masunga,Dar es Salaam.


Shirika la Mawasiliano Tanzania (TTCL) limezindua kifurushi kipya cha mawasiliano kinachoitwa T-Fiber Triple Hub, chenye lengo la kumrahisishia mteja kupata huduma tatu muhimu kwa gharama nafuu.


Kifurushi hicho, ambacho kinatajwa kuwa cha kwanza nchini, kinajumuisha huduma ya intaneti ya kasi bila kikomo, simu ya mezani, na huduma ya intaneti na dakika kwa simu ya mkononi.


Akizungumza wakati wa uzinduzi huo uliofanyika katika Makao Makuu ya TTCL jijini Dar es Salaam, Meneja wa Uhusiano na Uendelezaji wa Bidhaa wa TTCL, Bi. Janeth Maeda, alisema kifurushi hicho ni sehemu ya jitihada za kampuni hiyo kuendelea kuboresha huduma za mawasiliano na kuongeza ufanisi kwa wateja.


“Kupitia T-Fiber Triple Hub, tunalenga kumpunguzia mteja usumbufu kwa kumpatia huduma zote tatu kupitia kifurushi kimoja kwa gharama nafuu,” alisema Bi. Maeda.


Kwa gharama ya kuanzia Sh70,000 kwa mwezi, mteja wa T-Fiber Triple Hub atapata intaneti yenye kasi hadi 20 Mbps, dakika 300 za mawasiliano, pamoja na GB 20 kwa matumizi ya simu ya mkononi.


Bi. Maeda alisema kifurushi hicho kinawawezesha wateja kutumia dakika na data hizo popote walipo, nyumbani au kazini, jambo linaloongeza urahisi na ufanisi katika mawasiliano.


“Tunawaalika Watanzania wote kujiunga nasi katika hatua hii mpya ya ubora, urahisi na thamani kupitia T-Fiber Triple Hub,” aliongeza.






Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more