UVCCM yatoa tamko la kulaani vurugu za Oktoba 29–30, 2025.

-


Yawataka vijana kudumisha amani na uzalendo wa Taifa


Na Mwandishi Wetu, Dar es Salaam


Umoja wa Vijana wa Chama Cha Mapinduzi (UVCCM) umetangaza rasmi kulaani kwa nguvu zote vurugu na fujo zilizojitokeza nchini tarehe 29 na 30 Oktoba 2025, ukivitaja vitendo hivyo kama kinyume cha sheria, maadili ya kijamii na misingi ya amani ya Taifa.


Akizungumza katika mkutano na waandishi wa habari uliofanyika Ofisi Ndogo ya Makao Makuu ya UVCCM, Upanga – Dar es Salaam, Mwenyekiti wa UVCCM Taifa, Mohammed Ali Kawaida (MCC), alisema vurugu hizo ziliacha majeraha ya kijamii, hasara za kiuchumi na doa katika sura ya umoja wa Watanzania.


“Nina huzuni kubwa kuona vijana wetu, ambao ni nguvu kazi ya Taifa, wamehusika katika matendo ya fujo na vurugu. Hii si tu kinyume cha sheria, bali ni kinyume cha uzalendo na maadili ya Mtanzania,” alisema Kawaida kwa msisitizo.


Aliongeza kuwa ni jukumu la vijana kuhakikisha amani ya Tanzania inaendelea kudumu, kwani amani ndiyo msingi wa maendeleo na mafanikio ya Taifa.


“Ninakemea na kulaani kwa dhati vitendo hivi. Vijana tunapaswa kuwa walinzi wa amani, si vyanzo vya machafuko. Amani yetu ni urithi kutoka kwa waasisi wa Taifa letu, tusiiweke rehani kwa misukumo ya kisiasa,” alisisitiza.


Aidha, aliwaonya watu wanaoishi ndani na nje ya nchi wanaotumia mitandao ya kijamii kuchochea vurugu, akisema Serikali na taasisi za vijana zitaendelea kufuatilia mienendo hiyo kwa karibu.


Kawaida alisema UVCCM itaendeleza mikakati ya kuwaelimisha vijana kuhusu uzalendo, maadili na umuhimu wa kulinda amani kama urithi wa Taifa, akisisitiza kuwa Tanzania itaendelea kuwa kisiwa cha utulivu barani Afrika.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more