VETA NA PPRA WATIA SAINI MAKUBALIANO YA KUSHIRIKIANA KUWEZESHA MAKUNDI MAALUM KUNUFAIKA NA ZABUNI ZA UMMA.

-


Mamlaka ya Elimu na Mafunzo ya Ufundi Stadi (VETA) na Mamlaka ya Kudhibiti Ununuzi wa Umma (PPRA), leo tarehe 20 Novemba 2025, wametiliana saini makubaliano ya ushirikiano yatakayowezesha makundi maalum nchini kunufaika zaidi na fursa za zabuni katika taasisi za ummaMakubaliano hayo yametiwa saini jijini Dodoma na Mkurugenzi Mkuu wa VETA, CPA Anthony Kasore, pamoja na Mkurugenzi Mkuu wa PPRA, Dennis Simba, katika hafla iliyofanyika Makao Makuu ya PPRA.

Makundi maalum yanayolengwa ni vijana, wanawake, wazee na watu wenye ulemavu. Kwa mujibu wa Sheria ya Ununuzi wa Umma ya 2023, taasisi za umma zinapaswa kutenga asilimia 30 ya bajeti ya ununuzi kwa ajili ya makundi hayo.


Akizungumza kabla ya utiaji saini, Mkurugenzi Mkuu wa PPRA, Dennis Simba, amesema PPRA inaishukuru VETA kwa kukubali kushirikiana katika kuhakikisha makundi maalum yanapata nafasi stahiki kwenye mnyororo wa ununuzi wa umma kama inavyoelekezwa na sheria.


“Sheria inaelekeza asilimia 30 ya ununuzi wa umma itolewe kwa makundi maalum. Ni jukumu letu kama taasisi kuhakikisha tunawafikia vijana, wanawake, wazee na watu wenye ulemavu,” amesema Simba.


Pamoja na fursa hizo, Simba amesema changamoto iliyopo ni kwamba makundi hayo bado hayajafaidika ipasavyo, kwani hadi sasa ni makundi 1,000 tu yaliyopata mikataba yenye thamani ya Shilingi Bilioni 30.


“Tukitekeleza vyema, tunaweza kufikia mikataba ya thamani ya trilioni 5. PPRA tumejipa lengo la kufikia makundi 20,000,” ameongeza.


Simba amesema ushirikiano na VETA ni muhimu kwa kuwa taasisi hiyo ina uzoefu mkubwa wa kufanya kazi na makundi maalum kupitia kuwapatia ujuzi na kuwajengea uwezo. 


Amefafanua kuwa ushirikiano huo utasaidia kufundisha, kusajili na kuwaandaa wanufaika kushiriki kikamilifu katika zabuni mbalimbali.


Aidha, amesema PPRA itashirikiana na VETA kusaidia hata wahitimu wapya wenye nia ya kufanya kazi na Serikali kwa kulegeza baadhi ya vigezo vinavyoweza kuwazuia kupata zabuni.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more