WAKULIMA WATAKIWA KUJISAJILI NA KUUZA MAZAO KATIKA USHIRIKA.

-


Katibu Tawala Msaidizi Uchumi na uzalishaji Mali Mkoa wa Lindi Ndugu Mwinjuma Mkungu ametoa wito kwa wananchi wa Mkoa wa Lindi kuona umuhimu wa kujisajili katika mifumo

ya kiserikali ambayo inasaidia kupata takwimu sahihi zinazorahisisha kupata pembejeo kwa kiwango kinachohitajika.


Wito huo ameutoa katika hafla ya

kupokea na kukabidhi mbegu bora za ufuta pamoja na kuzindua msimu mpya wa kilimo 2025/2026 katika viwanja vya Ngongo Manispaa ya Lindi.


"Nitoe wito kwa wakulima wote, ni vizuri sasa kila mkulima kujisajili katika mifumo ya kiserikali na kuuza mazao yao katika ushirika ili kupata takwimu sahihi zitakazo rahisisha kupata pembejeo za ruzuku zinazoendana na uhalisia”


Aidha, Mkungu ametumia fursa hiyo kuwahamasisha wananchi kuona umuhimu wa kulichukua zao la choroko kwa umuhimu mkubwa ambalo litaongeza mzunguko wa fedha na kipato kwa mkulima na serikali.


"Zao la Choroko ambalo limeshaanza kwa baadhi ya maeneo linapswa sasa kuongeza nguvu kulimwa katika maeneo yetu yote, kwa kufanya hivyo tutakuwa na mazao manne ya biashara katika mkoa wetu na hivyo kuongeza mzunguko wa fedha kwa mmoja mmoja na serikali " Aliongeza Ndugu Mkungu .


Ikumbukwe kuwa Mkoa wa Lindi unamazao makuu matatu ya kilimo ambayo ni korosho, Ufuta na Mbaazi ambayo yamekuwa yakiingizia fedha nyingi Mkoa wa Lindi.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more