ACP. MLAWA AWATAKA MAAFISA NA ASKARI KUONGEZA KASI YA UZALISHAJI CHAKULA.

-


LINDI


Mkuu wa Magereza Mkoa wa Lindi, Kamishna Msaidizi wa Magereza (ACP) Matilda Mlawa, leo Disemba 15, 2025, amefanya ziara ya ukaguzi wa maandalizi ya kilimo cha mpunga kwa msimu ujao katika shamba la kimkakati la vituo vya Magereza ya mkoa Lindi, lenye ukubwa wa ekari 100, lililopo katika Kambi ya Kilimo Makangaga, inayosimamiwa na Gereza la Kingurungundwa.


Ziara hiyo ya ukaguzi imelenga kutekeleza agizo la Mkuu wa Jeshi la Magereza Nchini, Kamishna Jenerali wa Magereza (CGP) Jeremiah Yoram Katungu, linalotaka kila mkoa wa Magereza nchini kujitosheleza kwa uzalishaji wa chakula kwa ajili ya kuwalisha wafungwa na mahabusu waliopo katika vituo vyao.


Katika ukaguzi huo, ACP Mlawa alikagua miundombinu mbalimbali ya kilimo ikiwemo nyenzo za kilimo, maandalizi ya mashamba pamoja na mipango ya uzalishaji, huku akisisitiza umuhimu wa kufanya kazi kwa weledi, kasi na ushirikiano ili kuhakikisha mavuno ya kutosha yanapatikana kwa wingi msimu ujao.


Aidha, ACP Mlawa alitembelea na kukagua mradi wa ujenzi wa jengo la ofisi ya Utawala la Gereza la Kingurungundwa, ambapo aliwapongeza Maafisa na askari kwa hatua iliyofikiwa, huku akiwahimiza kuendelea kufanya kazi kwa bidii ili kukamilisha ujenzi wa jengo hilo kwa wakati uliopangwa.


Kwa upande wake, Mkuu wa Gereza la Kingurungundwa, Mrakibu wa Magereza (SP) Geoffrey Mgallah, ameahidi kusimamia kwa karibu utekelezaji wa maagizo na mikakati yote iliyopangwa kwa ajili ya msimu wa kilimo, na kusisitiza kuwa kambi hiyo ipo chini ya usimamizi wake wa moja kwa moja, pamoja na kuahidi kuimarisha kasi ya utekelezaji wa mradi wa ujenzi wa jengo la utawala ili kuhakikisha unakamilika kwa wakati uliokusudiwa.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more