CCM HAITASITA KUWACHUKULIA HATUA WATUMISHI WA UMMA WABABAISHAJI - MWENEZI KENANI.

-

 

Katibu wa Halmashauri Kuu ya Chama Cha Mapinduzi (CCM) Itikadi, Uenezi na Mafunzo, Ndugu Kenani Kihongosi, amewataka watumishi wa umma kutekeleza majukumu yao kwa weledi, kwa kutanguliza utu na muda, huku akisisitiza kuwa chama hakitasita kuwachukulia hatua wale watumishi ambao wanapuuza wajibu wao au kuwababaisha wananchi.


Akizungumza na viongozi wa chama na jumuiya za mkoa wa Dar es Salaam, Mwenezi Kenani alisema kuwa baadhi ya watumishi wa umma wamekuwa wakilalamika kuhusu ufuatiliaji wa utekelezaji wa miradi mbalimbali, jambo ambalo alisema ni dalili ya kutokutimia majukumu yao kikamilifu.


“Kuna baadhi ya watumishi wa umma wanasema chama kinawafatafata, waambieni tuna wajibu wa kuwafata kwani ilani inayotekelezwa ni yetu na tutawafata kila wakati kuhakikisha wanafanya kazi iliyokusudiwa na Rais Mhe. Dkt. Samia Suluhu Hassan,” alisema Mwenezi Kenani.


Alisisitiza kuwa kitendo cha kutotekeleza majukumu kwa ufanisi ni kukosea heshima serikali ya Jamhuri ya Muungano wa Tanzania, ambayo inatokana na CCM na kuongozwa na Mwenyekiti wake, Rais Mhe. Dkt. Samia Suluhu Hassan.


Mwenezi Kenani alifafanua zaidi kuhusu ufuatiliaji wa miradi, akisema:


“Ikiletwa fedha ya kituo cha afya, basi chama kitakuja kukagua matumizi sahihi ya fedha hizo. Hatutaacha kufanya hivyo kwani watumishi wazembe ndiyi wenye kusababisha CCM ionekane haifanyi kazi.”


Kauli hiyo inafafanua dhamira ya CCM kushirikiana na watumishi wa umma kuhakikisha utekelezaji wa miradi unafanyika kwa uwazi, kwa manufaa ya wananchi na kwa kufuata ilani ya uchaguzi ya chama hicho.


Mwenezi Kenani ameongeza kuwa chama kina wajibu wa kuendelea kufuatilia utekelezaji wa ilani na miradi, ili kuhakikisha serikali inatekeleza ahadi zake kwa wananchi kwa uwazi, weledi, na uwajibikaji.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more