DAWA ZA ARV ZAPATIKANA KWA 100% – WAZIRI LUKUVI

-


Dar es Salaam. 


Serikali imesema upatikanaji wa dawa za kufubaza makali ya VVU (ARV) kufikia asilimia 100 katika vituo vya kutolea huduma za afya nchini, hatua inayodhihirisha uimara wa mfumo wa tiba na mwitikio wa taifa katika mapambano dhidi ya VVU/UKIMWI. 


Kauli hiyo imetolewa na Waziri wa Nchi, Ofisi ya Waziri Mkuu (SBUU), Mhe. William Lukuvi, wakati wa kutoa Tamko la Serikali kuhusu Maadhimisho ya Siku ya UKIMWI Duniani 2025 chini ya kaulimbiu: “Imarisha Mwitikio, Tokomeza UKIMWI.”


Katika mkutano huo na waandishi wa habari, Waziri Lukuvi alieleza kuwa kiwango hicho cha upatikanaji kimetokana na maboresho makubwa ya kimfumo katika maeneo ya ununuzi, ugavi, na ufuatiliaji wa dawa. Hatua hizo zimehakikisha kila kituo cha afya kinapata ARV kwa wakati na kwa kiwango kinachotakiwa, na hivyo kuwezesha watu wanaoishi na VVU kupata huduma bila usumbufu na bila gharama.


Akiwasilisha tathmini ya utekelezaji kwa mwaka 2025, Waziri Lukuvi alisema matumizi ya ARV yameendelea kuongezeka kutoka asilimia 98 mwaka 2024 hadi asilimia 98.5 mwaka 2025 ambapo dadi ya vituo vinavyotoa huduma za VVU/UKIMWI imefikia 8,203 kutoka 7,805, hatua inayodhihirisha kupanuka kwa upatikanaji wa huduma katika maeneo mbalimbali ya nchi. 


Vilevile, mashine za kupima wingi wa VVU (Viral Load) zimeongezeka na sasa zimefikia 177, ikijumuisha mashine 43 kubwa na 127 ndogo, jambo linaloimarisha uwezo wa kufanya uchunguzi wa uhakika na kuongeza usahihi wa ufuatiliaji wa tiba.


Waziri Lukuvi alisisitiza kuwa Serikali, kwa ushirikiano na wadau, itaendelea kuwekeza katika elimu kwa jamii, kuboresha miundombinu ya huduma, na kupunguza maambukizi mapya. 


Alitoa wito kwa wananchi kuendelea kujitokeza kupima afya, kuzingatia ushauri wa wataalamu wa afya, na kutumia ARV kwa kufuata maelekezo, ili kufanikisha malengo ya kitaifa na kimataifa ya kutokomeza UKIMWI kama tishio la afya ya umma.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more