SERIKALI YAIPONGEZA FCC KWA KUIMARISHA USHINDANI WA HAKI NA ULINZI WA WALAJI.

-


Na Fidea Masunga.


Serikali imeipongeza Tume ya Ushindani (FCC) kwa kuendelea kusimamia kikamilifu utekelezaji wa sheria za ushindani na ulinzi wa walaji, hatua inayosaidia kujenga uchumi imara, jumuishi na shindani kuelekea Dira ya Taifa ya 2050. 


Pongezi hizo zimetolewa na Naibu Waziri wa Viwanda na Biashara, Mh. Patrobas Katambi,katika kongamano la kilele cha maadhimisho ya Siku ya Ushindani Duniani yaliyofanyika jijini Dar es Salaam.


Akizungumza kwa niaba ya Waziri wa Viwanda na Biashara, Mh. Judith Kapinga, Katambi alisema kuwa kulinda mlaji katika matumizi ya Akili Mnemba (AI) ni nguzo muhimu katika usalama wa uchumi wa taifa kwani matumizi ya AI yanahitaji kuendana na ulinzi wa watumiaji na ushindani wa haki, ili kuhakikisha masoko yanabaki salama, wazi na yenye usawa kwa wote.


Katambi alibainisha kuwa Serikali katika kipindi cha pili cha Awamu ya Sita imejipanga kuimarisha mazingira wezeshi ya biashara, kuwezesha wafanyabiashara kupata faida halali na kuchangia kikamilifu katika ukuaji endelevu wa uchumi wa taifa. 


“Serikali imejipanga kuwa daraja, si ukuta, katika kuhakikisha sera za TEHAMA na AI zinazolinda walaji na wafanyabiashara zinatekelezwa kikamilifu,” alisisitiza.


Kwa upande wake, Kaimu Mkurugenzi Mkuu wa FCC, Bi. Khadija Ngasongwa, alisema maadhimisho hayo yalianza rasmi Disemba 01,2025 yakitanguliwa na mkutano na vyombo vya habari, semina kwa mamlaka za udhibiti, mafunzo kwa wanasheria na kampeni za elimu kwa wananchi, ikiwa ni njia ya kuongeza uelewa kuhusu sheria za ushindani na ulinzi wa walaji.


Naye Mwenyekiti wa Baraza la Ushindani (FCT), Jaji Rose Ebrahim, aliwataka wananchi na wafanyabiashara kushiriki kikamilifu katika kutoa taarifa za vitendo vya ukiukwaji wa haki kama vile bidhaa feki na ubabaishaji wa bei, ili kulinda ustawi wa uchumi na maslahi ya walaji.


Kwa upande mwingine, Mwenyekiti wa Tume ya Ushindani, Dkt. Aggrey Mlimuka, alisema FCC imejipanga kuendeleza usimamizi madhubuti wa masoko, kupunguza mianya ya upotoshaji wa ushindani, kulinda mlaji na kudhibiti matumizi mabaya ya AI katika biashara. Alisema AI ni nyenzo muhimu katika kuimarisha uwazi, uadilifu na ufanisi katika masoko.


Siku ya ushindani duniani huadhimishwa Disemba 05 kila mwaka ambapo Kauli mbiu ya mwaka huu ni “Akili Mnemba (AI) katika Kudumisha Ushindani wa Haki na Kulinda Walaji,” ikionyesha umuhimu wa AI katika kuongeza uwazi, ufanisi na ushindani katika masoko.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more