FCC YASISITIZA UMUHIMU WA AKILI MNEMBA (AI) KATIKA KUDUMISHA USHINDANI WA HAKI TANZANIA.

-


Tume ya Ushindani (FCC) imeendelea kusisitiza umuhimu wa kudumisha ushindani wa haki katika soko la Tanzania, huku ikitambua mchango mkubwa wa teknolojia za kisasa, hususan Akili Mnemba (AI), katika kuboresha biashara, huduma, na faida kwa walaji.


Akizungumza na waandishi wa habari jijini Dar es salaam kuhusu Maadhimisho ya Kitaifa ya Siku ya Ushindani Duniani 2025, Kaimu Mkurugenzi Mkuu wa FCC Bi. Khadija Ngasongwa amesema AI ina nafasi muhimu katika kukuza ubunifu endelevu, kuongeza tija, na kuhakikisha ushindani wa haki kati ya makampuni yanayotoa bidhaa na huduma nchini.


“Tumetambua kwamba teknolojia na mfumo wa TEHAMA, ikiwa ni pamoja na Akili Mnemba, ni nyenzo muhimu katika kudhibiti ushindani wa kibiashara. Matumizi sahihi ya teknolojia hizi yanachangia kupunguza gharama za uendeshaji, kuboresha huduma, na kufungua fursa mpya za masoko,” amesema Bi. Ngasongwa.


Aidha Bi. Ngasongwa amesema kwamba katika juhudi zake za kudhibiti makubaliano ya kibiashara yanayofifisha ushindani, matumizi mabaya ya nguvu ya soko, na miungano ya makampuni inayoweza kuathiri ushindani, teknolojia za kisasa zinaweza kuwa msaada mkubwa wa kielektroniki katika ufuatiliaji na upelelezi wa masuala haya.


Maadhimisho ya Siku ya Ushindani Duniani hapa nchini mwaka huu yanafanyika kuanzia Disemba 1 hadi Disemba 5, 2025, na kilele chake kitaambatana na Kongamano Maalum la Ushindani litakalofanyika kwenye Hotel ya King Jada, Morocco Square, Dar es Salaam ambapo Mgeni Rasmi wa kongamano hilo atakuwa Mhe. Judith Salvio Kapinga, Waziri wa Viwanda na Biashara.


Kauli mbiu ya mwaka huu, “Artificial Intelligence (AI), Consumers and Competition Policy” au kwa Kiswahili, “Akili Mnemba (AI), Walaji na Sera za Ushindani”, inalenga kuelimisha jamii kuhusu umuhimu wa AI katika kuimarisha ushindani, kupanua fursa kwa wajasiriamali, na kuboresha huduma kwa walaji nchini.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more