KANISA LA MANM LAHITIMISHA MFUNGO WA SHUKRANI KWA KUTOA ZAWADI KWA YATIMA, WAJANE NA WENYE UHITAJI.

-


Dar es Salaam.


Kanisa la MANM lililopo Tabata Kisukuru,Dar es salaam limehitimisha rasmi mfungo wa siku 14 wa shukrani kwa kufanya ibada maalumu iliyohusisha zoezi la kutoa misaada kwa yatima, wajane, wazee na familia zenye uhitaji kutoka maeneo mbalimbali ya jirani.


Ibada hiyo ilihudhuriwa na waumini, viongozi wa mtaa, pamoja na walengwa wa misaada ambapo Akizungumza kabla ya kuanza kwa ugawaji wa misaada, mbeba Maono wa Kanisa la MANM Askofu Nabii Evans Sindano alisema:


“Neno bila matendo halitoshi. Tunapomaliza mfungo, Mungu anatukumbusha kuwa ushindi wa kweli ni kugusa maisha ya wengine.


Aliongeza kuwa;


“Kila zawadi tunayoitoa leo ni mbegu ya tumaini na upendo kwa walio katika mazingira magumu. Hii ni njia ya kueneza mshikamano katika jamii na kuhakikisha kuwa kila mmoja anahisi umuhimu wake katika maendeleo ya taifa letu.”


Viongozi wa mtaa waliokuwepo walilipongeza kanisa la MANM kwa kuendelea kuwa tegemeo la jamii huku mmoja wa wahitaji ambae ana ulemavu wa miguu Bw.Ismail Mwingira aliyepokea misaada alisema:


“Tumekuwa tunapitia changamoto nyingi, lakini leo tumepata faraja. Tunashukuru kwa kutukumbuka.”alisema Ismail.


Wajane waliopokea misaada pia walieleza shukrani zao akiwemo Bi.Costancia Lazaro alieleza kuwa;


“Kanisa la MANM limekuwa msaada wetu wa kweli. Zawadi hii imetugusa,imetufariji na kututia nguvu,” alisema mjane huyo.


 Misaada hiyo ilitolewa kwa yatima,wajane na wahitaji zaidi ya 50  ambapo walipewa zawadi za vyakula, mavazi, vifaa vya shule na mahitaji mengine ya msingi huku zoezi hilo likihitimishwa kwa kula chakula cha pamoja kama ishara ya mshikamano, furaha na shukrani baada ya mfungo. 


Tukio hilo pia limeonesha nafasi ya kanisa katika kuimarisha mshikamano wa kijamii, kushirikiana na viongozi wa mtaa na kuendeleza maendeleo ya jamii kwa ujumla.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more