MAAFISA USAFIRISHAJI WAHIMIZWA KUSHIRIKI MAFUNZO YA UDEREVA ILI KUWA MAHIRI.

-


Mbeya.

Kamanda wa Polisi Mkoa wa Mbeya, Kamishna Msaidizi Mwandamizi wa Polisi (SACP) Benjamin Kuzaga, amewataka maafisa usafirishaji, hasa bodaboda, kuhudhuria mafunzo ya udereva yanayolenga kujenga uelewa wa sheria, alama, na michoro ya usalama barabarani.


Kauli hiyo ilitolewa wakati akifungua mafunzo ya muda mfupi kwa zaidi ya vijana 200 wa Kata ya Kiwira, Wilaya ya Rungwe, waliyojiandikisha kushiriki mafunzo hayo yanayotolewa na wakufunzi kutoka Chuo cha Ufundi Stadi – VETA.


Akielezea umuhimu wa mafunzo hayo, Mkuu wa Kikosi cha Usalama Barabarani Mkoa wa Mbeya, Mrakibu Mwandamizi wa Polisi (SSP) Notker Kilewa, alisema:


“Mafunzo haya yanalenga kupunguza ajali za barabarani zinazotokana na uzembe na kutokujua sheria, kanuni, na taratibu za usalama barabarani kwa maafisa usafirishaji.”



Aidha, Mwenyekiti wa Vijana Kata ya Kiwira, ndugu Furaha Mwakyusa, aliwahimiza vijana kuendelea kujisajili kushiriki mafunzo hayo ili kuwa mahiri katika udereva na kupata cheti na leseni ya udereva, ambayo itathibitisha uhalali wao wa kuendesha vyombo vya moto.


Kwa upande wake, Mwenyekiti wa Kamati ya Usalama Barabarani Mkoa wa Mbeya ambaye pia ni Mratibu wa Mafunzo kutoka Chuo cha VETA, Mhandisi Rajabu Ghuliku, alisema:


“Tunaendelea kuratibu na kuendesha mafunzo mbalimbali kwa makundi tofauti, ikiwemo madereva, ili kujenga uelewa, umahiri na weledi katika usalama barabarani.”


Mafunzo hayo yanafadhiliwa na Mwenyekiti wa CCM Mkoa wa Mbeya na Mbunge wa Jimbo la Mbeya Mjini, Mhe Patrick Mwalunenge, kwa lengo la kuwajengea uwezo maafisa usafirishaji kuhusu sheria, kanuni, taratibu, alama na michoro ya usalama barabarani, ili kuepuka ajali na kuongeza ulinzi wa maisha barabarani.


Mafunzo haya yanahusisha nyenzo za kitaaluma, mazoezi ya vitendo, na mitihani ya kutathmini umahiri wa washiriki, jambo linalolenga kuboresha usalama barabarani na weledi wa maafisa usafirishaji katika mkoa wa Mbeya.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more