MAANDAMANO YA DISEMBA 09 NI HARAMU, SIMBACHAWENE ASEMA YATADHIBITIWA KWA MUJIBU WA SHERIA.

-

 


Na Mwandishi Wetu – Dar es Salaam


Waziri wa Mambo ya Ndani ya Nchi, Mhe. George Boniface Simbachawene, amesisitiza kuwa maandamano yanayohamasishwa kufanyika kesho, Jumanne Desemba 9, 2025, ni haramu kwa kuwa hayakufuata taratibu, sheria na miongozo inayosimamia mikusanyiko ya umma nchini. 


Ametoa onyo hilo leo, Jumatatu Desemba 8, 2025, wakati akizungumza na waandishi wa habari jijini Dar es Salaam.


Akifafanua msimamo wa Serikali, Mhe. Simbachawene alisema maandamano yanayodaiwa kuwa ya “amani” hayajaeleza waandaaji, mahali yatakapofanyika, wala mwelekeo wake vigezo ambavyo ni sharti la kisheria kwa maandamano yoyote yanayoruhusiwa na Katiba na sheria za nchi. 


Alibainisha kuwa taarifa zilizopo zinaeleza kuwa maandamano hayo hayana ukomo na yanatarajiwa kuwa makubwa kuliko ya Oktoba 29, ambayo yalisababisha vifo, uharibifu wa mali, na kuyumbisha hali ya usalama.


“Maandamano mengine ya Oktoba 29 yalileta madhara makubwa vifo, uharibifu wa vituo vya mafuta, majengo ya Serikali na hata vituo vya polisi. Sasa tunapoambiwa haya ya Desemba 9 yatakuwa makubwa kuliko yale, hayo si maandamano; hayo ni ishara za mapinduzi,” alisema Simbachawene.


Waziri alikumbusha kuwa, kwa mujibu wa sheria, maandamano yanapaswa kuombwa na mtu au kikundi maalum, yawe na ujumbe ulio wazi, yaainishe muda na njia yatakazotumia, ili Jeshi la Polisi liweze kutoa ulinzi na kusimamia usalama wa washiriki na mali za wananchi. Alisema kutokuwepo kwa taarifa hizi kunathibitisha kuwa tukio hilo halina uhalali wa kisheria.


Aidha, Mhe. Simbachawene aliwahimiza wananchi kutokujihusisha, kushabikia, au kufuatilia maandamano hayo, ikiwemo kupitia mitandao ya kijamii, akisisitiza kuwa hatua hiyo si tu inahatarisha usalama, bali pia inapingana na sheria za nchi. Aliongeza kuwa vyombo vya ulinzi na usalama viko tayari kuchukua hatua za kisheria kuhakikisha amani inaendelea kudumu.


Waziri pia aliwashukuru viongozi wa dini kwa mchango wao katika kuhamasisha utulivu na kudumisha umoja wa Taifa kufuatia sintofahamu iliyojitokeza baada ya matukio ya Oktoba 29, akisema juhudi hizo zimechangia kurejesha hali ya utulivu nchini.


Akihitimisha, Mhe. Simbachawene alitoa rai kwa wote “walioichoka amani” kuheshimu misingi ya sheria na utaratibu wa nchi, akibainisha kuwa Serikali haitasita kuweka nguvu zake kuhakikisha usalama wa raia na mali zao unalindwa bila kusita.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more