MECIRA YATOA ONYO KWA KENYA NA MAREKANI KUHUSU AMANI YA TANZANIA.

-


Kituo cha Wanahabari Watetezi wa Rasilimali na Taarifa (MECIRA) kimeyataka mataifa ya Kenya na Marekani kuheshimu uhuru wa ndani wa Tanzania, mamlaka yake ya kikatiba na mshikamano wa kijamii wa Watanzania.


Kituo hicho pia kimeonya dhidi ya kuhalalisha au kuunga mkono uhamasishaji wa vurugu kwa kisingizio cha haki za binadamu au uhuru wa kujieleza, hususan kupitia taarifa zisizothibitishwa na zinazochochea chuki za kidini, kikabila au kisiasa.


Mwenyekiti wa MECIRA, Habibu Mchange, alitoa kauli hiyo jana jijini Dar es Salaam wakati akizungumza na waandishi wa habari, kufuatia hatua zilizochukuliwa na kituo hicho kuziarifu Serikali za Marekani na Kenya kuhusu taarifa potofu dhidi ya Tanzania pamoja na uhamasishaji wa vurugu na machafuko yaliyotokea Oktoba 29, 2025.


“Katika barua yetu kwa Ubalozi wa Marekani, tumeweka bayana kuwa tunalitambua na kuliheshimu taifa la Marekani linalojengwa juu ya misingi ya demokrasia, haki za binadamu na uhuru wa kujieleza,” alisema Mchange.


Alisisitiza kuwa uhuru wa kujieleza una mipaka yake ya kisheria na haupaswi kutumika kuhamasisha vurugu au vitendo vinavyohatarisha maisha ya watu katika nchi nyingine.


Mchange alisema hakuna mtu anayepaswa kutumia nchi ya kigeni kama kimbilio au jukwaa la kupanga na kuhamasisha vurugu dhidi ya nchi yake, na aliwahi kuongeza kuwa wahusika wote wa machafuko yaliyosababisha vifo wanapaswa kuwajibishwa kisheria bila kujali wanapopatikana.


“Kanuni hii imethibitishwa kimataifa pale ambapo wahamasishaji wa mauaji ya kimbari na machafuko makubwa katika nchi mbalimbali walichukuliwa hatua za kisheria kwa misingi ya uwajibikaji binafsi wa jinai,” alisema Mchange.


Aidha, aliomba ushirikiano wa kidiplomasia na kisheria kutoka Serikali ya Marekani, ikiwemo kurejeshwa kwa Mange Kimambi ili ajibu madai yanayomkabili kwa mujibu wa sheria.


Mchange aliongeza kuwa baadhi ya Watanzania wanaohamasisha machafuko wamekimbilia au wanaishi nchini Kenya, ambako wanapanga, kuratibu na kusambaza ujumbe unaohatarisha amani ya Tanzania kupitia mitandao ya kijamii.


“Tumetaja majina ya Hilda Newton, Twaha Mwaipaya na Edgar Sativa kuwa wanashiriki kikamilifu katika kampeni hizi kwa kushirikiana na Mange Kimambi,” alisema.


Alieleza wasiwasi wake kuhusu matamshi ya hadharani yanayodokeza baadhi ya raia wa Kenya kuunga mkono ajenda hizo, akisisitiza kuwa uhuru wa kujieleza haujumuishi haki ya kuhamasisha vurugu au kusababisha vifo.


“Kwa mujibu wa sheria za kimataifa na za kikanda, uhamasishaji unaosababisha kupotea kwa maisha ya watu ni uhalifu mkubwa unaobeba uwajibikaji binafsi wa jinai,” aliongeza.


MECIRA ilitoa wito kwa jumuiya ya kimataifa kuheshimu uhuru wa ndani wa Tanzania, kutumia taarifa zilizothibitishwa na zenye mizania, na kuepuka ujumbe unaopandikiza chuki za kidini, kikabila au kisiasa.


Vilevile, aliwahimiza Watanzania kuendelea kulinda amani, mshikamano wa kitaifa na maelewano ya kidini ili kuepuka kushawishiwa kujiingiza katika mipango ya vurugu au machafuko.


Aliwataka vyombo vya habari, wanaharakati na viongozi wa kijamii kutumia uhuru wao kwa uwajibikaji, wakitambua kuwa maneno na ujumbe wanaoutoa vinaweza kusababisha madhara makubwa kwa jamii.


“Vijana watambue kuwa kushiriki katika uhamasishaji wa machafuko kunaweza kuwasababishia madhara makubwa ya kisheria, kijamii na kifamilia,” alionya.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more