MKUU WA WILAYA YA MTWARA AFANYA ZIARA YA KUKAGUA KASI YA UPAKIAJI KOROSHO, AWAPONGEZA MAKANJIRO, MAXIMA, MTUWASA NA TANESCO.

-

 


Mkuu wa Wilaya ya Mtwara, Mhe. Abdallah Mwaipaya, ameendelea na ziara yake ya kikazi kukagua mwenendo wa shughuli za upakiaji wa korosho katika Bandari ya Mtwara.


Ziara hiyo ni kufuatia taarifa za awali zilizoonesha kupungua kwa kasi ya utendaji katika mchakato huo muhimu kwa msimu wa usafirishaji wa korosho.


Katika ziara hiyo, Mhe. Mwaipaya alitembelea maeneo ya kuhifadhi mizigo, maeneo ya maandalizi nje ya bandari, pamoja na maeneo ya upakiaji ndani ya bandari, ambako alipata fursa ya kujionea mwenendo wa kazi na kujadiliana na wasimamizi kuhusu changamoto na hatua zinazochukuliwa.


Aidha, DC Mwaipaya alizipongeza kampuni za Makanjiro na Maxima kwa kuendelea kufanya kazi kwa ufanisi na kasi inayotakiwa, akizitaja kama mfano unaopaswa kuigwa na wadau wengine katika mnyororo wa usafirishaji wa korosho.


Vilevile, alitoa pongezi kwa MTUWASA na TANESCO kwa kuhakikisha huduma muhimu za maji na umeme zinapatikana katika maeneo ya ndani na nje ya bandari, hali iliyosaidia kuongeza ufanisi na kurahisisha shughuli za upakiaji.

Akisisitiza zaidi, DC Mwaipaya aliwahimiza wawekezaji wengine kujitokeza, akifafanua kuwa serikali imeandaa maeneo maalumu kwa ajili ya shughuli za staffing, hivyo kutoa fursa za kuongezeka kwa nguvu kazi na ufanisi katika mnyororo mzima wa usafirishaji wa korosho.


“Maeneo yapo, mazingira ya uwekezaji ni rafiki. Tunakaribisha wawekezaji zaidi ili kuongeza kasi, kuboresha ufanisi na kupunguza msongamano katika msimu huu,” aliongeza.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more