RAIS SAMIA ATOA MSAMAHA KWA WAFUNGWA 1,036, 1,014 WAPUNGUZIWA ADHABU KATIKA MAADHIMISHO YA MIAKA 64 YA UHURU.

-


Rais wa Jamhuri ya Muungano wa Tanzania, Mhe. Samia Suluhu Hassan, ametangaza msamaha kwa wafungwa 1036 katika kuadhimisha Miaka 64 ya Uhuru wa Tanzania Bara. 


Aidha, wafungwa wengine 1014 wamepunguziwa adhabu zao baada ya kutimiza vigezo vilivyowekwa kisheria.


Msamaha huo umetolewa kwa mujibu wa mamlaka aliyopewa Rais chini ya Ibara ya 45(1)(a) na (d) ya Katiba ya Jamhuri ya Muungano wa Tanzania ambapo taarifa ya msamaha huo imetolewa  leo na Waziri wa Mambo ya Ndani ya Nchi, Mhe. George Simbachawene, ambaye ameeleza kuwa utekelezaji wake unaanza mara moja katika vituo vyote vya magereza nchini.


Amesema kuwa msamaha huo hauwahusu wafungwa waliohukumiwa kwa makosa makubwa na hatarishi kwa jamii yakiwemo ya uhujumu uchumi, utakatishaji fedha, rushwa, biashara ya dawa za kulevya, makosa ya kujamiana, utekaji na wizi wa watoto, kuwapa mimba wanafunzi, pamoja na biashara haramu ya binadamu. 


Pia hauwahusu wenye makosa ya unyang’anyi wa kutumia nguvu au silaha, umiliki haramu wa silaha, kukutwa na viungo vya binadamu, ujangili na nyara za Serikali, wizi au ubadhilifu wa mali ya umma, ugaidi, uharamia, na makosa ya kimtandao ambapo hata Wafungwa waliokutwa na hatia ya mauaji pia hawajumuishwi kwenye msamaha huo.


Wengine ambao hawatanufaika na msamaha wa mwaka huu ni wafungwa wa maisha, waliokatiwa adhabu ya kifo, pamoja na wale ambao tayari wameshawahi kupata msamaha wa Rais katika miaka iliyopita.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more