RC CHALAMILA ATEMBELEA TRC KITUO CHA MAGUFULI.

-


Mkuu wa Mkoa wa Dar es Salaam Mhe Albert Chalamila leo Disemba 12, 2025 ametembelea na kukagua kituo cha reli ya Kisasa cha Magufuli na kujionea huduma mbalimbali zinazotolewa katika kituo hicho.


RC Chalamila akiwa katika kituo hicho ametembelea maduka ya biashara mbalimbali kisha kupata wasaa wa kuongea na menejimenti ya TRC ikiongozwa na mtendaji mkuu Mhandisi Machibya Masanja ambapo ameweza kuelezwa kwa kina  mipango ya shirika hilo.


Aidha RC Chalamila ameihakikishia TRC kuwa Dar es Salaam ni salama sana hivyo shirika hilo na watumiaji wa usafiri huo wajisikie wako salama sana


Vile vile amesema Mkoa uko makini kuilinda miundombinu ya TRC, kwa kushirikiana na wakuu wengine wa mikoa ambao wanapitiwa na SGR kama vile Pwani, Morogoro na Dodoma " mara zote tumekuwa na vikao vya pamoja vya kuweka mikakati ya kulinda miuondombinu hiyo ya SGR" Alisema RC Chalamila.


Sanjari na hilo RC Chalamila ameitaka TRC inapotekeleza miradi iwafanye wananchi au jamii kuwa ni sehemu ya miradi hiyo kwa kuwapatia kazi ndogondogo ikiwemo kufanya usafi na walipwe fedha, kwa kufanya hivyo itasidia sehemu au kijiji ambako mradi unapita jamii kuweza kulinda miundombinu ya reli kwa kuwa itajua mradi huo ni wa kwao.


Pia Mkuu wa Mkoa amesema Mkoa huo unakua kwa kasi sana hali inayopelekea kuwepo kwa changamoto ya foleni hivyo ameitaka TRC  kuona namna wanavyoweza kuwa sehemu ya kutatua changamoto hiyo kwa kujenga reli ya kisasa ya mjini ambayo itakuwa inatoa huduma katika Mkoa huo.


Sambamba na hilo RC Chalamila amesisitiza kuharakisha kukamilisha ujenzi wa miundombinu ya reli kuingia bandarini ili kupunguza adha ya malori mengi barabarani, vilevile kuendelea kusimamia kikamilifu mradi huo kwa kuwa unataswira chanya ya ukuaji uchumi wa kitaifa.


Mwisho kwa upande wa Mhandisi Machibya Masanja amekiri kupokea na kufanyia kazi maagizo ya Serikali ambapo amemuhakikishia Mkuu wa Mkoa kuwa shirika hilo liko mbioni kujenga reli za kisasa katika miji mikubwa kwa kuanzia wataanza na Jiji la Dar es Salaam na Dodoma.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more