RC CHALAMILA USO KWA USO NA WANAFUNZI WA CHUO CHA NIT-DSM.

-


Mkuu wa Mkoa wa Dar es Salaam Mhe Albert Chalamila amefanya ziara ya kutembelea Chuo cha Taifa cha usafirishaji na kuwataka wanafunzi wa vyuo kujiepusha na vitendo visivyoendana na malengo yao ya kielimu kwani Taaluma yao ni muhimu kwao, familia zao na Taifa kwa ujumla hivyo asitokee mtu akawatoa kwenye lengo lao la elimu


RC Chalamila akizungumza na wanafunzi wa chuo cha Taifa cha Usafirishaji NIT Jijini Dar es Salaam wakati wa ziara hiyo amesema vipo vishawishi vingi wanavyoweza kukutana navyo katika safari yao ya kutafuta elimu hivyo ni muhimu kwao kuwa na (focus) au malengo na mipango ya kihakikisha wanatimiza kile kilichowapeleka vyuoni na hatimaye kuwa na maisha ya ndoto zao


Aidha RC Chalamila amesema kwa sasa Serikali ya awamu ya sita imefanya maboresho makubwa kwenye vyuo ikiwemo miundombinu na upatikanaji wa rasilimali muhimu kama vile fedha za kujikimu tofauti na miaka ya nyuma hivyo amewasisitiza kujielekeza kwenye malengo yao na kuepuka vishawishi hasa vilivyopo mitandaoni kwani vinaweza kuwapotezea lengo na kuharibu mustakbali wa maisha yao pia kushindwa hata kusaidia wazazi wao


Sanjari na hilo RC Chalamila amewatoa shaka juu ya fikra za ajira baada ya masomo yao ambapo amewasisitiza kupata viwango vya juu vya ufaulu kwa kuwa ajira za Serikali na Taasisi binafsi za ndani na hata nje ya nchi zinahitaji wahitimu wenye ufaulu wa juu na wenye ubunifu hivyo asitokee mtu akawatoa kwenye lengo na kuwakosesha sifa


Kwa upande wa Mkuu wa Chuo cha NIT Prof Prosper Mgaya na Mkuu wa Wilaya ya Ubungo Wakili Albert Msando wamezungumzia namna ambavyo Serikali imeendelea kuimarisha mazingira ya upatikanaji wa elimu na kuwasisitiza wanafunzi kujielekeza kwenye elimu na,kuacha serikali kushughulikia changamoto zao zinazowakabili


Naye Rais wa Serikali ya wanafumzi wa chuo hicho cha Taifa cha usafirishaji NIT Bw Wilium Mvungi ameishukuru Serikali kwa namna ambavyo inaendelea kuboresha mazingira ya chuo hicho ambacho kwa sasa kimefisha miaka 50.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more