TCCIA YAPANGA MAGEUZI MAKUBWA: MINJA NA ROSTAM WAZUNGUMZA JUU YA KUINUA BIASHARA NCHINI.

-


Dar es Salaam — Rais wa Chemba ya Biashara, Viwanda na Kilimo Tanzania (TCCIA), Bw. Vicent Minja, amekutana na mfanyabiashara maarufu na mmiliki wa kampuni mbalimbali nchini, Bw. Rostam Aziz, kwa mazungumzo mahsusi kuhusu fursa za uwekezaji, mustakabali wa sekta ya biashara, na mwelekeo mpya wa chemba katika kukuza uchumi wa Taifa.


Katika mazungumzo hayo, pande zote mbili zimeweka wazi dhamira ya kuijenga TCCIA mpya chemba yenye nguvu, inayosikilizwa, na inayoongoza katika kutengeneza sera za taifa upande wa biashara na uwekezaji.


Bw. Rostam Aziz, akitoa mchango wake, alisisitiza umuhimu wa wafanyabiashara kuunga mkono chemba na kuitambua kama chombo kikuu cha kuimarisha mazingira ya biashara nchini.

“Chemba ni chombo kikubwa kwa ukuaji wa biashara. Inapaswa kupata sapoti kutoka kwa wafanyabiashara na hata kwa Rais wa nchi. Tukijenga Chemba imara, tutaijenga Tanzania yenye uchumi madhubuti. “Let’s start a new chapter” Chemba ichukue nafasi yake katika taifa,” alisema.


Akiendelea, Rostam alisisitiza umuhimu wa kubadili mtazamo kuhusu mchango wa wafanyabiashara wazawa katika maendeleo ya nchi.

“Mimi nilipopitia changamoto, Chemba ilinilinda. Wafanyabiashara wakiona jinsi Chemba inavyotetea maslahi yao, wataelewa umuhimu wake. Ni wakati Watanzania waunge mkono juhudi za wafanyabiashara wazawa badala ya kuwanyooshea vidole,” aliongeza.


Kwa upande wake, Rais wa TCCIA, Bw. Vicent Minja, alieleza kuwa mafanikio ya chemba yanaakisi moja kwa moja mafanikio ya wafanyabiashara wake.

“Chemba ikifanya vizuri, kila mfanyabiashara atanufaika. Tunahitaji kuijenga upya, kuipa nguvu, na kuhakikisha sauti yetu inasikika kwenye majukwaa ya kutengeneza sera. Tukisimama kama mtu mmoja kupitia Chemba, changamoto za kibiashara zitashughulikiwa kwa ufanisi zaidi,” alisema Minja.


Mazungumzo haya yamefungua ukurasa mpya wa ushirikiano kati ya TCCIA na wadau wakubwa wa biashara nchini, huku dhamira kuu ikiwa ni kuijenga chemba imara, jumuishi na yenye uwezo wa kuongoza mageuzi chanya ndani na nje ya mipaka ya Tanzania.





Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more