TCRA-CCC Yatakiwa Kuongeza Ushirikiano na Watumiaji wa Huduma za Mawasiliano.

-

Na Mwandishi Wetu,

Waziri wa Mawasiliano na Teknolojia ya Habari, Mhe. Angellah Jasmine Mbelwa Kairuki (Mb), ameitaka TCRA Consumers Consultative Council (TCRA-CCC) kuimarisha ushirikiano na watumiaji wa huduma za mawasiliano nchini, hususan katika kushughulikia malalamiko na changamoto wanazokabiliana nazo.


Akizungumza leo, tarehe 08 Desemba 2025, jijini Dar es Salaam wakati wa ziara yake ya kikazi katika Baraza hilo, Waziri Kairuki amesema TCRA-CCC lina nafasi muhimu katika kuhakikisha haki na maslahi ya watumiaji wa huduma za mawasiliano yanalindwa kwa ufanisi.


Amesema ni muhimu Baraza hilo kufuatilia kwa ukaribu mchakato wa kupokea na kushughulikia malalamiko ya wananchi, huku likionesha kwa uwazi aina ya malalamiko yaliyokwisha kutatuliwa na yale yanayoendelea kufanyiwa kazi. Ameeleza kuwa ufuatiliaji huo utasaidia kujenga imani ya wananchi na kuongeza uwajibikaji kwa watoa huduma.


“Baraza lijenge uwezo na mifumo imara ya kushughulikia malalamiko. Wananchi wanapaswa kuona hatua zinazochukuliwa na kufahamu namna haki zao zinavyolindwa,” amesema Mhe. Kairuki.


Aidha, Waziri Kairuki ameagiza TCRA-CCC kuongeza ushirikiano na wadau wake mbalimbali, ikiwemo makampuni ya mawasiliano, watumiaji binafsi na makundi maalum ya jamii, ili kuhakikisha changamoto zao zinatolewa kipaumbele na kupatiwa ufumbuzi wa haraka na wa kisheria.


Amesema ushirikiano huo ni muhimu katika kuimarisha uwazi, kuboresha huduma kwa wananchi na kuhakikisha kuwa kero za watumiaji zinatatuliwa bila kucheleweshwa.


Waziri pia amelitaka Baraza kuongeza kasi ya utoaji wa elimu kwa umma kuhusu haki za watumiaji na matumizi sahihi ya huduma za mawasiliano, akibainisha kuwa uelewa mdogo miongoni mwa wananchi mara nyingi husababisha malalamiko yasiyoratibiwa vizuri na matumizi yasiyo sahihi ya huduma hizo.


“Elimu ya kutosha itawasaidia wananchi kufahamu haki zao na wajibu wao. Pia itawasaidia watoa huduma kuboresha uwajibikaji,” amesema.


Akihitimisha ziara hiyo, Waziri Kairuki amesisitiza kuwa TCRA-CCC ni chombo muhimu katika sekta ya mawasiliano, kwa kuwa kinatoa mchango mkubwa katika kulinda haki za wananchi, hususan wale wenye mahitaji maalum, ili kuhakikisha kila mtu ananufaika ipasavyo na huduma za mawasiliano nchini.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more