WAKILI DKT. MASOUD: TUADHIMISHE UHURU KWA KULINDA AMANI, KUONDOA UDINI NA KUJENGA UZALENDO.

-


Dar es Salaam,

Kuelekea maadhimisho ya  miaka 64 ya Uhuru wa Tanzania bara,Wakili Dkt. Khamis Masoud ametoa wito kwa Watanzania wote kuadhimisha siku hiyo kwa kuimarisha misingi ya amani, kuondokana na kauli za udini na kujenga moyo wa uzalendo unaoendeleza umoja wa kitaifa.


Akizungumza na waandishi wa habari jijini Dar es salaam, Dkt. Masoud amesema kauli zinazochochea misimamo ya kidini zina madhara makubwa kwa mustakabali wa taifa, kwani huibua mgawanyiko unaoweza kudhoofisha mshikamano ambao umeitambulisha Tanzania kwa miongo kadhaa.


“Maadhimisho ya Uhuru yanapaswa kutukumbusha thamani ya amani tuliyonayo. Ni wakati wa kuondoa kabisa kauli za udini na kujenga taifa lenye umoja, maridhiano na uelewano. Amani si jambo la kawaida; ni urithi tuliopewa na waasisi wetu na lazima tuihifadhi,” amesema.


Amesema ni wajibu wa viongozi wa dini kukemea maovu kama mafundisho ya vitabu vyao vinavyoelekeza, lakini kufanya hivyo kwa hekima na bila kuibua mgawanyiko wa kiimani. Aidha, amewataka waendelee kutimiza wajibu wao wa kuonya, kusihi na kuongoza jamii katika misingi ya upendo, amani na ustawi.


Katika kauli yake, Dkt. Masoud amesisitiza kuwa viongozi walioteuliwa na Rais, hususan wakuu wa mikoa na wilaya, wanapaswa kutambua uzito wa dhamana waliyokabidhiwa na kuhakikisha kauli zao zinajenga umoja na siyo kuzidisha migongano.


“Wakuu wa mikoa na wilaya ni wawakilishi wa Rais katika maeneo yao. Kauli zao zinapaswa kutuliza, kuunganisha na kupatanisha jamii. Mgawanyiko unaotokana na kauli za viongozi hauna manufaa kwa dola,” amebainisha.


Akizungumzia nafasi ya vyombo vya habari, Dkt. Masoud amesema waandishi wa habari ni mhimili muhimu katika ujenzi wa taifa, hivyo wanapaswa kutumia kalamu zao kuimarisha amani na kuonesha taswira chanya ya nchi ndani na nje ya mipaka.


“Vyombo vya habari vina wajibu wa kujenga taifa. Habari zinazochochea chuki au mgawanyiko zinaharibu umoja. Tuwe wazalendo, tuandike habari zenye maana kwa taifa,” amesisitiza.


Dkt. Masoud amesema maadhimisho ya Uhuru ni fursa ya taifa kutafakari tulikotoka, tulipo na tunakoelekea, huku akihimiza kujenga matumaini, kufanya kazi kwa bidii na kuimarisha mshikamano kwa vizazi vya sasa na vijavyo.


“Tunapoelekea kwenye maadhimisho ya Uhuru, tuhubiri amani, tuimarishe uzalendo na tuweke mbele maslahi ya taifa. Huu ni wakati wa kuziimarisha nguzo zinazolifanya taifa letu kuwa imara,” amesema.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more