WAUMINI WA KANISA KATOLIKI WAIANDIKIA VATICAN WAKITAKA UCHUNGUZI WA MWENENDO WA PADRI KITIMA.

-


DAR ES SALAAM 

Waumini wawili wa Kanisa Katoliki nchini, Stanslaus Thobias Nyakunga na Elia Phaustine Kabote, wameiandikia Vatican kupitia Balozi wake nchini Tanzania, Archbishop Angelo Accattino, wakiomba kufanyika kwa uchunguzi wa kichungaji na kiutawala kuhusu mwenendo wa Padri Dkt. Charles Kitima, Katibu Mkuu wa Baraza la Maaskofu Tanzania (TEC), wakieleza hofu ya Kanisa kuonekana kuhusishwa na misimamo ya vyama vya siasa.


Katika barua hiyo, waumini hao wameeleza kuwa kwa kipindi kirefu kumekuwapo mitazamo katika jamii inayodai kuwa Padri Kitima amekuwa akionekana kuingilia au kujihusisha na masuala ya siasa, hususan migogoro ya ndani ya Chama cha Demokrasia na Maendeleo (CHADEMA), jambo ambalo, kwa mujibu wao, halijajitokeza kwa kiwango kama hicho kwa vyama vingine vya siasa.


Wamefafanua kuwa madai hayo, bila kujali kama yana ukweli au la, yameanza kuathiri taswira ya Kanisa miongoni mwa waumini na kwa umma, hali inayoweza kulifanya Kanisa lionekane kama linachukua upande wa kisiasa, kinyume na jukumu lake la msingi la kuwa taasisi ya amani, maridhiano na mwongozo wa kimaadili.


Nyakunga na Kabote wamesisitiza kuwa hatua yao haikulenga kutoa tuhuma wala kumshambulia Padri Kitima binafsi, bali kuomba mamlaka ya juu ya Kanisa kuchunguza na kutoa mwongozo wa wazi, kwa hekima ya kichungaji, ili kulinda umoja wa waumini na heshima ya Kanisa.


Katika kuunga mkono hoja zao, waumini hao wamenukuu Maandiko Matakatifu yanayosisitiza wajibu wa viongozi wa Kanisa kuwa wajenzi wa amani na mshikamano, wakiwemo maneno ya Yesu Kristo yasemayo “Heri wapatanishi, maana hao wataitwa wana wa Mungu” (Mathayo 5:9), pamoja na kauli ya Mtume Paulo kwamba “Mungu si wa machafuko bali wa amani” (1 Wakorintho 14:33), na onyo dhidi ya migawanyiko miongoni mwa waumini (1 Wakorintho 1:10).


Hatua hiyo inachukuliwa katika kipindi ambacho nchi inapitia mjadala mpana wa kisiasa na kijamii, hali inayozidi kuongeza matarajio kwa taasisi za dini kubaki nguzo za utulivu, upatanisho na mshikamano wa kitaifa, bila kuingia katika mvutano wa vyama.


Kwa mujibu wa barua hiyo, waumini hao wameiomba Holy See kushughulikia masuala matatu makuu: kufanya uchunguzi wa kina kuhusu mwenendo wa Padri Kitima, kutoa mwelekeo wa wazi unaothibitisha uhuru wa uongozi wa Kanisa dhidi ya siasa za vyama, pamoja na kuchukua hatua zozote zitakazolinda umoja wa waumini, amani ya jamii na mamlaka ya kimaadili ya Kanisa.


Waumini hao wameeleza imani yao kwamba Vatican ina busara, uzoefu na mamlaka ya kushughulikia suala hilo kwa maslahi mapana ya Kanisa na jamii kwa ujumla.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more