Waziri Mchengerwa Aagiza Kuanzishwa kwa “One Stop Digital Centre” Kurahisisha Huduma za Afya.

-


Na Mwandishi Wetu – Dar es Salaam


Waziri wa Afya, Mhe. Mohamed Mchengerwa, ameagiza kutungwa na kuanza kutekelezwa kwa mfumo mpya wa kidijitali utakaoboreshwa kwa lengo la kuongeza ufanisi katika utoaji wa huduma za afya nchini, hususan kupunguza foleni na kurahisisha upatikanaji wa huduma katika hospitali na vituo vya afya.


Akizungumza leo Desemba 8, 2025 katika kikao kazi na watumishi wa Sekta ya Afya kilichofanyika katika Hospitali ya Taifa Muhimbili, jijini Dar es Salaam, Waziri Mchengerwa alisema ni wakati muafaka kwa Tanzania kuanzisha “One Stop Digital Centre” mfumo wa teknolojia ya afya utakaoimarisha hatua zote za huduma kuanzia usajili, malipo, hadi upatikanaji wa huduma.


Waziri alisema mfumo huo utaondoa adha ya wagonjwa kutumia muda mrefu wakizunguka katika maeneo mbalimbali ya hospitali, hatua ambayo imekuwa ikisababisha usumbufu kwa wananchi na kupunguza ufanisi wa watumishi wa afya.


Alifafanua kuwa mpangilio huo wa kidijitali utawezesha mgonjwa kupata huduma kwenye eneo moja, na hivyo kurahisisha mchakato mzima wa matibabu.


Aidha, alisisitiza kuwa mfumo huo utaboresha usimamizi na uhifadhi wa taarifa za wagonjwa, kuhakikisha kuwa kumbukumbu zinapatikana wakati wowote inapohitajika, jambo litakalosaidia kuongeza ubora wa huduma na kupunguza malalamiko ya upotevu au ucheleweshaji wa taarifa za kitabibu.


Katika agizo lake, Mhe. Mchengerwa ametoa muda wa siku 30 kwa wataalamu wa TEHAMA wa Wizara ya Afya kuandaa muundo wa mfumo huo na kuhakikisha kuwa utaweza kusomana na mifumo mingine katika ngazi zote za huduma kutoka zahanati, vituo vya afya, hospitali za wilaya, hadi hospitali za mikoa.


Waziri alihitimisha kwa kusisitiza kuwa maboresho ya kidijitali ni msingi muhimu katika mageuzi ya sekta ya afya, na kwamba serikali imejipanga kuhakikisha huduma zinazotolewa zinakuwa za kisasa, zenye ufanisi na zinazomweka mgonjwa mbele kama kipaumbele cha msingi.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more