SHINYANGA YAJITOSHELEZA KWA CHAKULA – RC MHITA.

-


Shinyanga


Mkoa wa Shinyanga umeendelea kuimarisha usalama wa chakula baada ya kuzalisha tani 947,487 za mazao ya chakula katika msimu wa kilimo wa mwaka 2024/2025, kiasi kinachomuwezesha mkoa kuwa na ziada ya chakula tani 95,003.


Hayo yamebainishwa na Mkuu wa Mkoa wa Shinyanga, Mhe. Mboni Mhita, alipomkaribisha Naibu Waziri wa Kilimo, Mhe. David Silinde, aliyefika mkoani humo kwa ziara ya kikazi ya siku moja, ikiwa ni sehemu ya mazungumzo rasmi katika ofisi ya Mkuu wa Mkoa.


Mhe. Mhita amesema mahitaji ya chakula kwa mkoa kwa mwaka ni tani 531,747, hivyo uzalishaji uliopo unathibitisha Shinyanga kujitosheleza kikamilifu kwa chakula, kulingana na idadi ya watu kufuatia Sensa ya Watu na Makazi ya mwaka 2022.


Ameongeza kuwa mafanikio hayo yametokana na juhudi za Serikali katika kuboresha sekta ya kilimo, ambapo pamoja na mazao ya chakula, uzalishaji wa zao la pamba umeongezeka kutoka tani 21,599 (msimu wa 2021/2022) hadi kufikia tani 34,689.22 (msimu wa 2024/2025).


Kutokana na mafanikio hayo, Mkuu wa Mkoa amemhakikishia Naibu Waziri kuwa mkoa utaendelea kuimarisha matumizi ya maafisa ugani 275 waliopo, ili kuhakikisha wakulima wanapatiwa elimu ya kilimo cha kisasa na chenye tija. Hatua hii itasaidia kuondokana na kilimo cha mazoea na kuongeza uzalishaji wa mazao.


Kwa upande wake, Naibu Waziri wa Kilimo, Mhe. David Silinde, amempongeza Mkuu wa Mkoa kwa mapokezi mazuri pamoja na juhudi kubwa zinazofanywa na uongozi wa mkoa katika kuimarisha sekta ya kilimo.


Ziara yake ya siku moja mkoani Shinyanga ililenga kukagua bwawa la umwagiliaji la Nyida pamoja na kufanya ukaguzi wa zao la pamba, ili kujionea utekelezaji wa miradi ya kilimo mkoani humo.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more