TMA YABAINISHA NJIA RASMI ZA UPATIKANAJI WA TAARIFA ZA HALI YA HEWA.

-


Zanzibar


Mamlaka ya Hali ya Hewa Tanzania (TMA) imebainisha na kufafanua njia rasmi zinazotumiwa kusambaza taarifa sahihi za hali ya hewa nchini, huku ikiwataka wananchi kuepuka kutegemea taarifa zisizo rasmi zinazochangia upotoshaji katika jamii.


Kauli hiyo imetolewa na Mkurugenzi wa TMA – Ofisi ya Zanzibar, Ndg. Masoud Makame Faki, alipokuwa akizungumza na wananchi kupitia vyombo mbalimbali vya habari wakati akiwakaribisha kutembelea banda la TMA lililopo katika Maonesho ya 12 ya Kimataifa ya Biashara Zanzibar (ZITF), yanayoendelea kufanyika katika Viwanja vya Nyamanzi kuanzia tarehe 29 Desemba 2025 hadi 16 Januari 2026.


Akizungumza katika maonesho hayo, Ndg. Faki alisema TMA imekuwa ikitoa taarifa sahihi na za uhakika za hali ya hewa kupitia njia rasmi zilizorasimishwa, ikiwemo vyombo vya habari, blogu, tovuti ya Mamlaka (www.meteo.go.tz) pamoja na kurasa za mitandao ya kijamii za TMA zikiwemo YouTube, Instagram, Twitter (X), WhatsApp Channel na Facebook, ambazo zote zimeunganishwa moja kwa moja kupitia ukurasa wa mwanzo wa tovuti ya Mamlaka.


“Ninawasisitiza wananchi kuendelea kufuatilia taarifa za hali ya hewa kupitia vyanzo rasmi vya Mamlaka ili kupata taarifa sahihi na za uhakika. Taarifa zisizo rasmi zinazosambazwa mitandaoni zinaweza kuleta taharuki na athari katika mipango ya maendeleo ya nchi,” alisema.


Aidha, Ndg. Faki alitoa wito kwa wananchi kuachana na tabia ya kusambaza na kuamini taarifa potofu za hali ya hewa, akibainisha kuwa hatua hiyo inaweza kusababisha maamuzi yasiyo sahihi katika shughuli za kijamii na kiuchumi.


Kupitia banda lao la maonesho katika ZITF, TMA imeendelea kutoa elimu ya kina kuhusu masuala ya hali ya hewa, ikiwemo kutoa ufafanuzi juu ya ongezeko la joto linaloendelea kushuhudiwa visiwani Zanzibar. Alifafanua kuwa kwa sasa dunia inapokuwa katika mzunguko wake kuelekea kwenye kizio cha kusini, kunakuwa na jua la utosi linalochochea ongezeko la joto. Aidha, kutokana na Zanzibar kuzungukwa na maji, kiwango cha unyevu hewani huongezeka na kusababisha wakazi kuhisi fukuto kubwa la joto.


Mwisho, alihimiza wananchi kuendelea kujitokeza katika banda la TMA kupata elimu zaidi kuhusu huduma mbalimbali za hali ya hewa, matumizi yake katika sekta za kijamii na kiuchumi, pamoja na namna bora ya kuzitumia taarifa hizo kwa manufaa ya maendeleo ya Taifa.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more