UJENZI WA BOMBA LA MAFUTA GHAFI LA AFRIKA MASHARIKI WAFIKIA ASILIMIA 79.

-


Dar es Salaam.

Ujenzi wa Bomba la Mafuta Ghafi la Afrika Mashariki (EACOP) umefikia asilimia 79, huku mradi huo wa kimkakati ukitarajiwa kukamilika mwezi Julai 2026 na kuchochea ukuaji wa uchumi pamoja na kutoa maelfu ya ajira kwa wananchi wa Tanzania na Uganda.


Hatua hiyo imeelezwa wakati wa ziara rasmi ya Waziri wa Nishati na Maendeleo ya Madini wa Uganda, Dkt. Ruth Nankabirwa, aliyeko nchini kukagua maendeleo ya mradi huo unaosafirisha mafuta ghafi kutoka Hoima nchini Uganda hadi Chongoleani mkoani Tanga, kwa kushirikiana na mwenyeji wake, Waziri wa Nishati wa Tanzania, Mhe. Deogratius Ndejembi.


Akizungumza na waandishi wa habari, Mhe. Ndejembi amesema utekelezaji wa mradi wa EACOP umechangia kwa kiasi kikubwa katika utoaji wa ajira, ambapo ajira zaidi ya 12,000 zimetolewa kwa vijana na wananchi wa nchi hizo mbili tangu kuanza kwa ujenzi.


Amesema mradi huo utakapokamilika utakuwa na uwezo wa kusafirisha mapipa 246,000 ya mafuta ghafi kwa siku, hali itakayoongeza mapato ya serikali, kuimarisha uchumi wa kikanda na kuongeza mchango wa sekta ya nishati katika maendeleo ya Taifa.


Kwa upande wake, Dkt. Nankabirwa amemshukuru Rais wa Jamhuri ya Muungano wa Tanzania, Dkt. Samia Suluhu Hassan, kwa uongozi wake thabiti na dhamira ya dhati katika kuhakikisha mradi huo wa kimkakati unatekelezwa kwa mafanikio.


Amesema mradi wa EACOP umeleta mabadiliko makubwa ya kiuchumi katika ukanda wa Afrika Mashariki na kusisitiza umuhimu wa kuwepo kwa mfumo maalumu wa kuwatambua wafanyakazi waliopata uzoefu katika miradi mikubwa ya kimkakati, ili waweze kupewa kipaumbele katika utekelezaji wa miradi mingine ijayo ikiwemo ya gesi asilia na umeme.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more