RC CHALAMILA ATEMBELEA TFF MAKAO MAKUU-DSM

-


Mkuu wa Mkoa wa Dar es Salaam Mhe Albert Chalamila ametembelea shirikisho la mpira wa miguu Tanzania TFF na kulipongeza shirikisho hilo kwa kuiwezesha timu ya vijana chini ya miaka 17 kufuzu kuingia katika mashindano ya kombe la Dunia kwa vijana chini ya miala 17 lakini pia kufanya vizuri ligi kuu ya Tanzania Bara NBC Premier league kuwa ni moja ya ligi bora 10 Barani Afrika


Akizungumza Jijini Dar es Salaam alipofanya ziara ya kutembelea makao makuu ya shirikisho la mpira wa miguu nchini Tanzania TFF yaliopo Ilala Mkuu wa Mkoa wa Dar es Salaam Mhe Albert Chalamila amesema shirikisho hilo limeonesha weledi na uzalengo mkubwa kuinua kiwango cha soka nchini Tanzania kwani timu ya Taifa ya wanawake chini ya miaka 20 imeendelea kufanya vyema na kufuzu kuingia kombe la Dunia


RC Chalamila amesema kuwa mafanikio hayo ikiwemo kufanya vizuri kwa timu za Tanzania zinazoshiriki mashindano ya kimataifa zimepewa nguvu na uongozi imara ulioamua kuwekeza na kuwezesha vijana kupitia michezo chini Rais Dkt Samia Suluhu Hassan hadi kupelekea Tanzania kupata heshima ya kuwa mwenyeji wa mashindano ya AFCON mwaka 2027


Akizungumzia maandalizi ya mashindano ya AFCON ya mwaka 2027 RC Chalamila amesema Rais Dkt Samia ameendelea kuboresha miundombinu ya barabara, Umeme, Maji pamoja na ulinzi na usalama sanjari na mkakati wa kulifanya Jiji la Dar es Salaam kuwa Smart City ili matukio yote yaweze kuratibiwa kidigitali ili kuweza kupokea wageni hivyo ameitaka TFF kuweka mazingira ya timu ya Taifa ya Tanzania kufanya vyema kwenye mashindano hayo


Aidha Chalamila amesema amepokea changamoto za miundombinu ya uwanja wa mpira wa karume uliopo makao makuu ya TFF pamoja na ofisi hiyo kwa ujumla ambapo amesema anakwenda kuitisha kikao cha Halmashairi zote ili kushughulikia suala hilo kwa kishirikiana na wadau binafsi ili kuwa mazingira bora ya kuendeleza soka nchini.


Akihitimisha mazungumzo yake na vyombo vya habari Mkuu wa Mkoa Mhe Albert Chalamila amewatoa shaka wakazi wa Jiji hilo juu ya ulinzi na usalama wa Mkoa huo kwani Serikali inasimamia usalama wa raia na mali zao bila kujali itikadi za vyama, dini ama kabila huku akzungumzia tukio la mchina ambae anatajwa kuuawa na wafanyakazi wake.


Kwa upande wake Rais wa  TFF Walecy Karia ameeleza namna shirikisho linavyosimamia watoto kwenye michezo kuanzia umri wa miaka 10 hadi 17 huku akieleza mikakati ya ujenzi wa uwanja wa karume kwa mfumo mpya unaoruhusu uwepo wa michezo na shughuli za biashara.


Pia amewataka wanahabari kulisaidia shirikisho hilo kuondoa usimba na uyanga pale kunapokuwa na michuano ya kimataifa inayohitaji wachezaji kutoka timu hizo kwenda timu ya Taifa




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more