Dkt. Seif: Mazao ya Nyuki Ni Hazina ya Afya, Uchumi na Uhifadhi wa Mazingira.

-



Na Mwandishi Wetu, Dodoma


NAIBU Waziri wa Ofisi ya Rais – TAMISEMI anayeshughulikia masuala ya Afya, Dkt. Jafari Rajabu Seif, amepongeza juhudi za Wakala wa Huduma za Misitu Tanzania (TFS) katika kuendeleza sekta ya ufugaji nyuki na uzalishaji wa mazao yake, akisema sekta hiyo ina mchango mkubwa katika kuboresha afya za wananchi, kukuza uchumi na kuhifadhi mazingira.


Dkt. Seif alitoa pongezi hizo leo June 03,2026 baada ya kutembelea banda la TFS katika Maonesho ya Wiki ya Mazingira yanayoendelea katika Viwanja vya Ukumbi wa Jakaya Kikwete jijini Dodoma, ambako alipata fursa ya kujionea shughuli mbalimbali zinazotekelezwa na wakala huo, hususan katika ufugaji nyuki na uchakataji wa mazao yatokanayo na nyuki.


Akiwa katika banda hilo, Naibu Waziri huyo alivutiwa na bidhaa mbalimbali zilizokuwa zikionyeshwa, zikiwemo asali, nta na bidhaa nyingine za nyuki ambazo zimeendelea kupata soko kutokana na ubora wake pamoja na manufaa yake katika afya, lishe na uchumi wa wananchi.


“Nimevutiwa sana na mazao ya nyuki niliyoyaona hapa. Bidhaa hizi zina manufaa makubwa kiafya na kiuchumi. Nawapongeza TFS kwa kazi nzuri wanayoifanya ya kuhamasisha wananchi kutumia rasilimali hizi kwa njia endelevu. Mimi mwenyewe nitakuwa mdau wa mazao haya kutokana na ubora wake na faida zake,” alisema Dkt. Seif.


Alisema sekta ya ufugaji nyuki ni miongoni mwa shughuli zinazoweza kuchangia kwa kiasi kikubwa ukuaji wa uchumi wa taifa sambamba na kuinua kipato cha wananchi, hususan jamii zinazoishi jirani na maeneo ya misitu.


Aidha, aliwataka wananchi kushiriki kikamilifu katika juhudi za uhifadhi wa mazingira na matumizi endelevu ya rasilimali za asili ili kuhakikisha misitu na bioanuwai vinaendelea kuwepo kwa manufaa ya kizazi cha sasa na kijacho.


Kwa upande wake, TFS imeendelea kutumia maonesho hayo kutoa elimu kwa umma kuhusu umuhimu wa uhifadhi wa misitu, ufugaji nyuki na matumizi ya bidhaa zitokanazo na nyuki kama sehemu ya kukuza uchumi wa kijani na kuimarisha ustawi wa wananchi.


Maonesho ya Wiki ya Mazingira mwaka huu yalianza Juni 1 na yanatarajiwa kuhitimishwa Juni 5, 2026, yakiwakutanisha wadau mbalimbali wa mazingira, taasisi za serikali, sekta binafsi na wananchi kwa lengo la kuhamasisha uhifadhi wa mazingira na matumizi endelevu ya rasilimali za asili.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more