SERIKALI YAAHIDI KUIMARISHA MAPAMBANO DHIDI YA BIDHAA BANDIA KULINDA AFYA NA UCHUMI WA TAIFA.

-


Serikali imeahidi kuendelea kuimarisha mapambano dhidi ya bidhaa bandia nchini ili kulinda afya za wananchi, kukuza biashara halali na kuimarisha uchumi wa taifa.


Ahadi hiyo imetolewa katika kilele cha Maadhimisho ya Kitaifa ya Siku ya Kudhibiti Bidhaa Bandia Duniani yaliyofanyika jijini Dar es Salaam, ambapo Mkuu wa Wilaya ya Temeke, Sixtus Mapunda, alimwakilisha Mkuu wa Mkoa wa Dar es Salaam kama mgeni rasmi wa maadhimisho hayo.


Akizungumza katika maadhimisho hayo, Mapunda alisema bidhaa bandia zimeendelea kuwa tishio kubwa kwa afya za wananchi, ustawi wa biashara halali na uchumi wa taifa. Amesema bidhaa hizo husababisha madhara kwa watumiaji pamoja na kupunguza mapato ya serikali kutokana na biashara zisizo rasmi.


Mapunda alisisitiza kuwa mapambano dhidi ya bidhaa bandia hayawezi kuachiwa taasisi moja pekee, bali yanahitaji ushirikiano wa pamoja kati ya serikali, sekta binafsi, wafanyabiashara na wananchi kwa ujumla. Aliongeza kuwa Serikali imeielekeza Tume ya Ushindani (FCC) kuendelea kutumia teknolojia za kisasa katika uchunguzi, ufuatiliaji na udhibiti wa bidhaa bandia, hususan katika masoko ya kidijitali na mipaka ya nchi.


Kwa upande wake, Mwenyekiti wa Baraza la Ushindani, Jaji Rose Ibrahim, alisema bidhaa bandia zinaendelea kuhatarisha maisha ya wananchi na kuathiri mazingira ya biashara halali nchini. Alitoa wito kwa wananchi kuwa makini wanaponunua bidhaa mbalimbali na kutoa taarifa kwa mamlaka husika wanapobaini bidhaa zinazotiliwa shaka.


Naye Kaimu Mkurugenzi Mkuu wa FCC, Khadija Ngasongwa, alisema maadhimisho ya mwaka huu yamelenga kuongeza uelewa wa umma kuhusu madhara ya pombe, sigara na vilainishi bandia. Alisisitiza kuwa mapambano dhidi ya bidhaa bandia ni jukumu la kila mmoja katika jamii.

Kuelekea maadhimisho hayo, FCC ilifanya shughuli mbalimbali za kutoa elimu kwa umma kuhusu madhara ya bidhaa bandia na umuhimu wa kununua bidhaa halali. 


Miongoni mwa shughuli hizo ni mikutano ya hadhara, kampeni za uhamasishaji katika masoko makubwa pamoja na utoaji wa elimu kwa wafanyabiashara na wananchi katika Soko Kuu la Kariakoo jijini Dar es Salaam. Kampeni hizo zililenga kuongeza uelewa wa jamii kuhusu athari za bidhaa bandia kwa afya, biashara na uchumi wa taifa, pamoja na kuhamasisha wananchi kutoa taarifa kuhusu bidhaa zinazotiliwa shaka.

Maadhimisho hayo yamefanyika chini ya kaulimbiu isemayo: “Linda Maisha na Masoko Dhidi ya Pombe, Vilainishi na Sigara Bandia.”


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more