SIKU YA MTOTO WA AFRIKA: LHRC YAHIMIZA HAKI, ULINZI NA USALAMA WA WATOTO NCHINI.

-

 


DAR ES SALAAM

Mkurugenzi Mtendaji wa Kituo cha Sheria na Haki za Binadamu (LHRC), Dkt. Anna Henga, amesema maadhimisho ya Siku ya Mtoto wa Afrika yanapaswa kuwa chachu ya kuimarisha juhudi za kulinda watoto dhidi ya vitendo vya ukatili vinavyoendelea kujitokeza nchini.


Akitoa tamko la LHRC  kwa vyombo vya habari leo jijini Dar es Salaam kuhusu maadhimisho ya Siku ya Mtoto wa Afrika, Dkt. Henga amesema licha ya kaulimbiu ya mwaka huu inayosisitiza upatikanaji wa huduma za maji, usafi wa mazingira na afya kwa kila mtoto, bado watoto wengi wanakabiliwa na changamoto kubwa za usalama zinazotokana na utekaji, mauaji na aina nyingine za ukatili.


Amesema LHRC imepokea kwa masikitiko matukio ya hivi karibuni ya ukatili dhidi ya watoto yaliyotokea katika mikoa ya Tabora, Lindi na Mbeya, ambapo baadhi ya watoto walipoteza maisha huku wengine wakitekwa katika mazingira ya kutatanisha.


Kwa mujibu wa Dkt. Henga, matukio hayo yanaonesha haja ya kuimarisha mifumo ya ulinzi wa mtoto kuanzia ngazi ya familia hadi taifa. Amesisitiza kuwa mamlaka husika zinapaswa kuhakikisha wahusika wa vitendo hivyo wanabainika na kufikishwa mbele ya sheria ili kutoa haki kwa waathirika na kuzuia matukio kama hayo kujirudia.


Aidha, ametoa wito kwa wazazi, walezi, viongozi wa jamii, taasisi za kidini na mashirika ya kiraia kushirikiana katika kuhakikisha watoto wanapata malezi bora na ulinzi stahiki wakati wote.


Dkt. Henga amesema Tanzania ina sheria na mikataba mbalimbali inayolinda haki za watoto, hivyo ni muhimu kuhakikisha utekelezaji wake unakuwa wa vitendo ili kila mtoto aweze kuishi katika mazingira salama na yenye kuheshimu haki zake.

Kichwa herufi kubwa


Amehitimisha kwa kusisitiza kuwa Siku ya Mtoto wa Afrika isiwe tu ya maadhimisho, bali iwe fursa ya kutafakari na kuchukua hatua madhubuti za kuwalinda watoto, ambao ndiyo msingi wa maendeleo ya taifa la baadaye.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more