SIKU YA MTOTO WA AFRIKA: WATOTO WAIOMBA SERIKALI KUBORESHA HUDUMA ZA MAJI NA AFYA.

-


Dar es Salaam.


Watoto nchini wameiomba Serikali kuongeza uwekezaji katika huduma za maji safi, usafi wa mazingira na afya ili kuhakikisha wanapata mazingira bora ya kuishi, kujifunza na kukua kwa afya njema.


Wito huo umetolewa leo wakati Tanzania ikiungana na mataifa mengine barani Afrika kuadhimisha Siku ya Mtoto wa Afrika, ambayo mwaka huu imebeba kaulimbiu ya “Kuhakikisha Upatikanaji wa Huduma za Maji, Usafi wa Mazingira na Afya kwa Kila Mtoto Barani Afrika.”


Mmoja wa watoto walioshiriki katika maadhimisho hayo, Noreen Martin, amesema watoto wenye ulemavu hukumbana na changamoto kubwa pale vyoo vinapokosa maji au miundombinu ya usafi inapokosa kuzingatia mahitaji yao, jambo linaloathiri afya na ustawi wao.


Kwa upande wake, Mahri Yusuf amesema kuwekeza katika maji safi, usafi wa mazingira na afya ni kuwekeza katika kutimiza ndoto za watoto wa Afrika, akieleza kuwa huduma hizo ni msingi wa elimu bora, afya njema na maendeleo ya watoto.


Hata hivyo akitoa tamko kuhusu maadhimisho hayo Mkurugenzi Mtendaji wa LHRC, Dkt. Anna Henga, ameitaka Serikali kutenga bajeti ya kutosha kwa ajili ya kuboresha huduma za maji safi na salama, hasa katika maeneo ya vijijini na mashuleni, akisema uwekezaji katika sekta ya maji, usafi wa mazingira na afya ni muhimu katika kulinda haki za watoto na kuimarisha ustawi wao.


Tamko hilo limetolewa na zaidi ya watoto 40 waliokutanishwa na Mtandao wa Watetezi wa Haki za Binadamu Tanzania (THRDC) kwa kwa kushirikiana na Kituo cha Sheria na Haki za Binadamu (LHRC), wakisisitiza umuhimu wa kuhakikisha kila mtoto anapata huduma stahiki bila kubaguliwa.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more