TMA YAENDELEA KUJENGA UELEWA WA MASUALA YA HALI YA HEWA KATIKA WIKI YA UTUMISHI WA UMMA 2026

-


Dodoma, 

 Mamlaka ya Hali ya Hewa Tanzania (TMA) imeendelea kuwajengea wananchi uelewa kuhusu masuala mbalimbali ya hali ya hewa kupitia ushiriki wake katika Maonesho ya Wiki ya Utumishi wa Umma yanayoendelea kufanyika katika viwanja vya Chinangali Park jijini Dodoma.

Maonesho hayo yanayofanyika kuanzia Juni 16 hadi 23, 2026, yanalenga kutoa elimu na kuhamasisha wananchi kuhusu huduma zinazotolewa na taasisi mbalimbali za umma. Ufunguzi rasmi wa maadhimisho hayo ulifanywa Juni 17, 2026 na Waziri wa Nchi, Ofisi ya Rais – Menejimenti ya Utumishi wa Umma na Utawala Bora, Ridhiwani Kikwete.

Kupitia banda lake, TMA imekuwa ikitoa elimu kwa wananchi kuhusu namna ya kusoma na kutafsiri taarifa za hali ya hewa pamoja na matumizi yake katika sekta mbalimbali muhimu za uchumi na maendeleo.

Wananchi wanaotembelea banda hilo wanapata fursa ya kujifunza jinsi taarifa za hali ya hewa zinavyoweza kusaidia katika kupanga na kuboresha shughuli za kilimo, usafiri, uvuvi na sekta nyingine zinazotegemea hali ya mazingira kwa kiasi kikubwa.

TMA imeeleza kuwa matumizi sahihi ya taarifa za hali ya hewa yana mchango mkubwa katika kupunguza athari zitokanazo na mabadiliko ya tabianchi na kuongeza ufanisi wa shughuli za kijamii na kiuchumi.

Maadhimisho ya Wiki ya Utumishi wa Umma mwaka huu yanaongozwa na kaulimbiu isemayo “Kuchochea Uwajibikaji Jumuishi kwa Huduma Endelevu,” ikisisitiza umuhimu wa taasisi za umma kutoa huduma bora, zinazowajibika na zinazokidhi mahitaji ya wananchi.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more